Pangayam-ayam
lontar wariga Bali
Pangayam-ayam pinaka panduan antuk ngadu ayam utawi tajen, sané ring parikrama ipun ngajangkepin tata cara ngarereh lawan ayam sané becik manutin rahina, wawaran, miwah wuku ring kalénder Bali. Lontar punika puput kasurat ring warsa śaka 1851.[1]
| Pangayam-ayam | |
|---|---|
 | |
| Aran liyanan | paṅayamayam· |
| Pinanggal asal | 1929 |
| Kawedar kapertama ring | Banjar Tegal, Buléléng, Buléléng |
| Basa(-basa) | Basa Kawi |
| Ukuran | 50, 39,3, 37,9, 46,6 miwah 38,6 cm x 3,5, 3, 3,3 miwah 3,4 cm |
| Aksara | Aksara Bali |
| Ngranjing Koleksi ring | Gedong Kirtya, Kapustakaan Kantor Dokuméntasi Budaya Bali miwah Museum Semarajaya |
| Klasifikasi Gedong Kirtya | Wariga |
Soroh ayam
uahSoroh ayam ring Bali kaaranin mawit warna punika parinama dasar, sané kawewehin antuk ceciren liyanan punika kanikayang ring lontar pangayam-ayam.[2]
| Soroh | Cecirén |
|---|---|
| Buik | Ayam sané mabulu warna-warni |
| Kelau utawi kelawu | Ayam sané mabulu klau |
| Bihing utawi Biying | Ayam sané mabulu barak |
| Wangkas | Ayam sané tangkahné mabulu putih sareng kampidné mabulu barak |
| Brumbun | Ayam antuk campuhan bulu barak, putih, miwah selem |
| Sa | Ayam sané mabulu putih |
| Ook | Ayam sané mabulu samah ring baongné |
| Jambul | Ayam sané majambul |
| Godek | Ayam sané mabulu ring batisné |
| Sangkur | Ayam tan pabulu ikuh |
Mawit Lontar Pengayam-ayam, puniki parinama ayam sané madué pingaruh ring Tajen ring Bali, luiré:[3]
- Ayam Ratun Sa kuning : Sakuning jambul bangkarna saha gondala dimpil aneh
- Ayam Sa kedas matania putih
- Ayam Suarga Gumawe Ayu : Sekedas jambul bangkarna dimpil karo
- Ayam Se kedas mata selem
- Ayam Se kedas sandeh tegil pemanggahan
- Ayam Penjor Petung : Serawah kuning bulun ikutnia selem akatih bulun lanangne
- Ayam Se jagat Mata : Serawah kuning rerajah sesoring tegil
- Ayam Biying Kidang Mengi : Biying nyelem jambul kupingne miwah telapakan batisne, kukunia putih
- Ayam Biying Tampak Demi : Biying nyelem jambul bang karna telapakan batis kuning, kuku linjong kuning
- Ayam Gagak Sadeng Mungguing Setra : Biying selem polos bangkarna tegil pemanggangan
- Ayam Biying Behe-Behe : Biying selem jambul sangkur bangkarna dimpil karo kuku linjong putih, janggar jegjeg tur lumbang
- Ayam Ratun Biying : Biying kuning jambul bangkarna dimpil karo
- Ayam Biying kuning sangkur bangkarna jambul dimpil lima
- Ayam Patra Anglungsir : Biying selem lekong jambul bangkarna dimpil aneh, telapakan batis kuning
- Ayam Segara Muncar : Ijo kunig jambul ikutne sembur
- Ayam Kala Cakra : Ijo selem jambul bangkarna dimpil karo kuku linjong miwah telapakan batis kuning
- Ayam Ijo selem polos bangkarna
- Ayam Sandang Lawe : Ijo biru wok sangkur jangut putih bangkarna dimpil aneh
- Ayam Saludra : Ijo bang batis putih tegil pelet
- Ijo Kedas Tegil Serit
- Ayam Jaka Tua : Ijo selem sangkur jambul bangkarna dimpil karo kuku miwah telapakan batisne putih
- Ayam ijo kedas koping putih ring sisi/tepine
- Ayam Kelau Batur : Kelau biru barak, batis putih, paruhnia kuning serit barak
- Ayam kelau sangkur polos bangkarna dimpil aneh
- Ayam ameng-ameng Bhatari Durga : Kelau alab jambul bangkarana dimpil karo
- Ayam buaya ngangsar : Kelau selem sangkur telapakan batisne kuning, titik batisne gedé-gedé
- Ayam paksi raja : Kelau alab matane selem
- Ayam wangkas kuning mata linglang
- Ayam wangkas kalu kali : Wangkas kuning mesisip bulu dibangkiangne 3 katih
- Ayam ratun wangkas : Wangkas kuning jambul bangkarna dimpil aneh
- Ayam rare meleng : Wangkas kuning batis barak paruh kuning mulus
- Ayam wangkas kedas polos bangkarna gegada kiwa
- Ayam wangkas dewa ayu : Wangkas kedas wok jambul bangkarna
- Ayam buik bintek : Buik kedas jambul bangkarna
- Ayam druwe sedan semaya : Buik kuning bulu barak polos bangkarna dimpil aneh
- Ayam buik upas : Buik bangkarna rerajah seliwah
- Ayam buik cetik : Buik bangkarna itik-itikne selem
- Ayam brumbun dapur (pawon) : Brumbun kedas miwah paruhne putih mulus
- Ayam brumbun batis putih mulus paruh biru
- Ayam druwe merajapati : Brumbun kuning batis barak paruh kuning kedas
- Ayam bima ngagem gada : Brumbun kuning polos dimpil aneh
- Ayam brumbun kuning polos godeng gerupa dimpil karo
- Ayam brumbun selem sangkur jambul bangkarna dimpil karo (sanget pingaruhné)
Pustaka
uah- ↑ "Pangayam Ayam - Palm Leaf Wiki". palmleaf.org. Kaaksés 2022-01-23.
- ↑ "Budaya Bali : Carcan Siap Tajen dalam Lontar Pengayam-ayam". Budaya Bali. Kaaksés 2022-01-24.
- ↑ "Carcan Siap dan Lontar Pengayam-ayaman dalam Tajen Bali - Payana Dewa". www.payanadewa.com. Kaaksés 2022-01-24.
