Nyakan Diwang
Nyakan Diwang punika silih tunggil tradisi wantah wénten ring Kecamatan Banjar, Kabupatén Buléléng, Propinsi Bali. Tradisi punika maratengan sega ring jaba paumahan para krama, antuk wujud pangucian paumahan kautama pawaregan sesampuné rahina Nyepi.
Laksana uah
Nyakan Diwang punika tradisi maratengan sega ring marga désa. Nyakan Diwang mawit saking kruna andap, punika nyakan miwah diwang[1]. Nyakan Diwang punika wagian saking rahina Nyepi antuk manyuciang paumah miwah wujud rasa bagia sesampuné ngemargiang catur brata Nyepi marupa Amati Geni (néntén nguripang api), Amati Lelanguan (nénten maseneng-senengan), Amati Lelungan (nénten malancaran), miwah Amati Karya (nénten makarya)[2][3]
Nyakan Diwang kakawitin duk manggala, tepat ipun kurang langkung jam 2-3 semeng, punika para krama mataki-taki antuk ngembak geni (nguripang api) miwah sareng medal saking jero punika tan pakaperentah. Ring ngembak geni kalaksanayang antuk ngaryanin jalikan saking bata utawi batako ring arep jeroan. Selantur nyané, krama ngawitin meratengan sega taler ulam-jangan, sambil magegonjakan sareng penyanding. Risampuné meratengan, ketah para kramané nuju para penyanding sawatara 4 semeng. Punika kalaksanayang ri kala meratengan sega[2][3].
Nyakan Diwang punika sarana antuk ngewangun rasa menyama braya, manyuciang pewaregan kaluwarga soang-soang, mangda karahayuan kaluwarga prasida kajaga.[2][4]
Pustaka uah
- ↑ antaranews.com (2019-03-09). "Masyarakat désa di Buléléng tradisikan "Nyakan Diwang" setelah Nyepi". Antara News. Kaaksés 2020-07-11.
- ↑ 2,0 2,1 2,2 Kemendikbud RI (2018). Katalog Warisan Budaya Takbenda Indonesia 2018 (Buku Satu). Jakarta: Direktorat Warisan dan Diplomasi Budaya Kemendikbud RI. p. 69.
- ↑ 3,0 3,1 "Melihat tradisi Nyakan Diwang, masak di pinggir jalan Buléléng". merdeka.com (ring Inggris). Kaaksés 2020-07-11.
- ↑ Liputan6.com (2018-03-18). "Nyakan Diwang, Tradisi Unik Sewarsa Sekali Usai Nyepi". liputan6.com (ring Indonesia). Kaaksés 2019-09-21.