Nasi Jinggo

Nasi Jinggo inggih punika silih tunggil ajengan sané wénten ring Bali. Cihna utama ajengan puniki bungusannyané malakar don biu taler kajait tekén semat. Daging di tengahnyané wénten nasi, bé siap masisit, bergedél, taluh lablab, mi goréng, kacang, sayur, témpé manis miwah sambel. Kawéntenan sambel drika sané mawinan nasi jinggo punika kasenengin majeng ring para janané.

Nasi jinggo prasida karereh ri tatkala semeng ngantos peteng santukan sampun akéh anak sané ngadol utamannyané ring pinggir margi. Hargannyané kirang-langkung wantah limang tali rupiah duk 2019. Yéning ngajeng nasi jinggo mangda jangkep ketahnyané kasarengin antuk krupuk.