Layangan Janggan Merak

Layangan Janggan Merak inggih punika silih tunggil layangan tradisional sané wénten ring Bali. Layangan puniki wentuknyané masaih sareng kedis merak. Nika mawinan Layangan Janggan Merak ngranjing ring soroh layangan kedis-kedisan, krana marupa kedis. Layangan puniki ketahnyané kakaryanin saking tiing tur kain. Layangan Merak puniki kacihnayang saking ikuhnyané sané masepak akéh tur lantang, lianan saking punika ikuh saking layangan punika ketahnyané mawarna-warni. Wénten taler Layangan Merak sané madaging kampid sané rupannyané sakadi kampid kedis merak. Layangan puniki kapah dados limang pahan, inggih punika sirah, baong, kampid, bangkiang, miwah ikuh.