Lambang negara Islandia ngenahang palang barak mamata pérak ring taméng biru, nganggit saking rancangan kobér Islandia. Niki inggih punika wantah asiki lambang negara sané ngelah papat panopang: papat panjaga Islandia (landvættir) minakadi sané kapidartayang ring Heimskringla, majujuk ring duur balok batu basal kolom.[2]Banténg (Griðungur) inggih punika nyaga Islandia sisi kalér kauh, sikep utawi griffin (Gammur) nyaga Islandia sisi kalér kangin, naga (Dreki) nyaga sisi kelod kangin, lan raksasa-watu (Bergrisi) inggih punika panjaga Islandia sisi kelod kauh. Panghormatan sané ageng kaicain majeng kréatur Islandia niki, sapunika wénten satunggil parikrama duk aab Viking sané nganikayang pinaka ten wénten jukung patut madué simbol-simbol sané nakutin (ketahné marupa sirah naga ring haluan jukung) ritatkala nampekin Islandia. Paindikan punika kamargiang mangda para panjaga nénten kaprovokasi sacara ten perlu.[3]
