Nyepi
Nyepi inggih punika silih tunggil rahina jagat sané wénten ring Bali pinaka pagentos warsa anyar manut ring warsa Saka. Rahina Nyepi kalaksayanang ring pinanggal apisan Sasih Kadasa. Dudonan acara Nyepi sané jagi kalaksanayang ngawit saking kalih utawi tigang rahina sadurungnyané, punike jagi kamargiang upacara Melasti utawi Melis/Makiyis. Upacara punika kamargiang ngaturang upekare bebantenan nuju ring sumber toya sané nampek ring désa pakraman soang-soang sakadi ring segara utawi utawi danu utawi tukad.[1]
Benjangnyané ring Tilem Sasih Kasanga umat Hinduné makarya caru manut ring tincapang upacara Butha Yadnya soang-soang. Ring rahina punika sorene taler jagi kamargiang Pengrupukan taler wenten ngarap ogoh-ogoh. Ogoh-ogoh irika pinaka cihna saking para butha mangda somye tur nénten ngusak-asik jadma sané wénten ring guminé, pemucuk ring ngemargiang brata ring rahina Nyepi.[2]
Ring rahina penyepian jagi kalaksanayang Catur Brata Penyepian sakadi: Amati Geni, Amati Karya, Amati Lelungan, miwah Amati Lelanguan. Apisan sasampun rahina Nyepi kawastanin Ngembak Geni pinaka sarana nglaksanayang Dharma Santi ring sameton soang-soang.[3]
Pustaka uah
- ↑ "In Bali, a holiday for the ears". The New York Times.
- ↑ "Introspective Silence Befalls Bali, but Only for a Day". New York Times.
- ↑ "Pelaksanaan Hari Raya Nyepi di Indonésia". babadbali.com.