'''Merak''' utawi '''mayura''' inggih punika [[spésiés]] kedis ring génus ''[[pavo]]'' lanmiwah ''[[Afropavo]]'' saking [[Kaluwarga (Biologi)|kaluwarga]] [[Phasianidae]]''.'' Kedis merak muani madué bulu ikud sané ageng lanmiwah becik sané prasida kakebatang lanmiwah kaangen mikatin merak lua.
Wenten tigang spésiés merak kalih saking [[Asia]] lanmiwah asiki saking [[Afrika]]. Merak saking Asia inggih punika [[Merak India]] (''Pavo cristatus)'' saking [[subwenua India]], lanmiwah [[Merak gadang]] (''Pavo muticus)'' saking [[Asia Kelod-Kangin|Asia kelod-kangin]]. Merak saking Afrika inggih punika [[Merak kongo]] (''Afropavo congensis)'' sané katemuin wantah ring [[cekungan Kongo]].
== Bulu ==
Merak india madué bulu mawarna warni, nanging akehan mawarna gadang lanmiwah pelung metalik. Merak gadang madué bulu mawarna gadang lanmiwah perunggu. Ring makakalih spesies punika merak muani lanmiwah lua agengnyané pateh nanging sané lua nenten madué bulu ikud sané becik lanmiwah mahkota.<ref>{{Cite web|url=https://www.britannica.com/animal/peacock|title=peacock {{!}} Facts & Habitat|website=Encyclopedia Britannica|language=en|access-date=2020-06-15}}</ref> Bulu ikud merak madué mata sané dangan kacingakin ritkala merak ngebatin ikudnyane.
