'''Adi Parwa''' inggih punika [[lontar]] indik parwa ring [[Mahabharata]] sané nyaritayang lalintihan kawitan para [[Pandawa]] lan [[Korawa|Korawané]]né. Payudan wadwa Pandawa lan Korawa rawuh sawetara 5.000 warsa sanesané sampun lintang ring [[India]] tur kasurat olih Rsi Wedawyasa dados Epos Mahabharata. Wenten 100.000 sloka ring Mahabharata, sanesané kabantih antuk plakutus Parwa sargah ageng. Suang-suang parwa maduwé pahpahan sané kabawos kanda. Adi Parwa punika pahpahan kapertama Mahabharata. Kabawos irika, ida makasami wantah warih Candrawangsa, sanak palalintihan Wulan. Ring purwakala, manusanemanusané ring jagate kaperintah olih raja-raja sanesané suci saking kalih palalintihan, inggih punika saking Bhatara Surya lan Bhatara Candra. Nika mawinan watek para rajane dumunan doh luhuran saking watek para janma biasa.
Adi Parwa utamannyane maosin indik pangwerdian jagate sami, pangrawuh awataran Ida Hyang Widhi ring yuga-yuga sadurungnyane, weton para Pandawa lan Korawane, nyantos embas Ida Maharsi Krishna Dwaipayana Wyasa sanesané wantah silih sinunggil awataran Ida Hyang Widhi makadi maharsi sanesané pinih kasumbung olih para krama Hindune sajebag jagat. Bantihan pinih utama saking Adi Parwa inggih punika carita indik metun Ida Sri Krishna, Hyang Widhi Wasa, tedun ring jagate puniki matetujon nyabdang kitab suci Weda Bhagavad-gita, silih sinunggil bantihan Weda sanesané pinih utama mantuka ring para jana Hindune sami.
Duk masa kaprabon Dharmawangsa ring panegara Panjalu ring Jawi, Adi Parwa kasalin basa ring basa Jawi kuna sinarengan antuk parwa-parwa sanesané lianan olih para pangawi daweg punika. Akudang pesengan genah ring basa Sanskerta kauwah kidik daweg ipun kasalin basa. Duaning proyekproyék ageng indik panglimbak kasusastraan duk masa Dharmawangsa niki, akeh wastan genah ring Mahabharata kadadosang wastan genah ring Jawi nyantos mangkin.<ref>{{Cite book|last=Made Widia |first=I Gusti |title=Adi Parwa |publisher=CV. Kayumas, Denpasar |year= |isbn= |location= |pages=}}</ref>
