Kerak telor

Kerak Telor
Sajian	Sanganan
Mawit saking	Indonésia
Wawengkon utawi wewidangan	Jakarta Raya
Suhu penyajian	Panes
Lakaran utama	Taluh dadar saking taluh bébék utawi ayam mabasa kacampuh ketan kakribisin saur miwah embe
	Resep: Kerak Telor; Media: Kerak Telor;

Kerak telor inggih punika sanganan tradisional marupa taluh dadar mabasa saking Betawi ring masakan Indonesia. Malakar saking ketan sané karatengin sareng taluh miwah kasajiang nganggén saur, embe miwah udang tuh dados isian.^[1] Punika kaanggep sanganan nénten dados ajengan utama. Dagang kerak telor aluh kacunduk ritatkala acara nyabran warsa Pekan Raya Jakarta miwah dados ajengan wajib antuk para pengrauh ring acara punika.^[2]

Lelintihan

Ring aab Kolonial, kerak telor pinaka ajengan sané kaistiméwayang miwah kasajiang ring acara-acara ageng antuk pameréntah kolonial utawi jadma sugih Betawi. Mawit pakar gastronomi Suryatini N. Ganie, kerak telor karipta mangda ketan dados langkung jaen.^[1] Ring aab modérn mangkin, pangadol kerak telor nénten wantah saking panjak asli Jakarta, asal ipun wénten saking makudang genah minakadi Padang, Tegal, Garut miwah Cimahi.^[2]

Maratengan

Sawilang porsi kakaryanin mawit pesenan. Pangadol kerak telor ngenahang akedik ketan ring duur wajan miwah lantas kapanesang ring duur baa api saking langas. Salanturné kawewehin taluh (taluh ayam utawi taluh bébék, sakéwanten taluh bébék kaanggép jaenan^[2]), miwah makudang campuhan basa-basa. Ajengan puniki kagoréng ring duur wajan tanpa lengis goréng sapunika adonan punika pacang némplek ring wajan miwah ngapersidayang antuk ngenahang ipun mawalik langsung ring duur baa api ngantos lebeh. Saur lalah tur ebi (udang pakeh tuh) miwah embe kakribisang ring duurné.^[3]

Pustaka

↑ ^1,0 ^1,1 Hulupi, Maria Endah (22 Juni 2003). "Betawi cuisine, a culinary journey through history". The Jakarta Post. Kaarsipin saking versi asli tanggal 14 Séptémber 2015.
↑ ^2,0 ^2,1 ^2,2 "Rows of `kerak telor' at fair". The Jakarta Post. 3 Juli 2009. Kaaksés 7 Juli 2011.
↑ Wahyudi S., Leo (1 Juli 2002). "'Kerak telor', a traditional Jakarta snack tries to survive". The Jakarta Post. Kaarsipin saking versi asli tanggal 11 Oktober 2012. Kaaksés 7 Juli 2011.

Pranala jaba

Kerak telor recipe on cookingrecipesguide.org
Interview with Kerak telor vendor

[tjp1-1] 1,0 ^1,1 Hulupi, Maria Endah (22 Juni 2003). "Betawi cuisine, a culinary journey through history". The Jakarta Post. Kaarsipin saking versi asli tanggal 14 Séptémber 2015.

[tjp2-2] 2,0 ^2,1 ^2,2 "Rows of `kerak telor' at fair". The Jakarta Post. 3 Juli 2009. Kaaksés 7 Juli 2011.

[3] Wahyudi S., Leo (1 Juli 2002). "'Kerak telor', a traditional Jakarta snack tries to survive". The Jakarta Post. Kaarsipin saking versi asli tanggal 11 Oktober 2012. Kaaksés 7 Juli 2011.

[1]

[2]

[3]