Jeleg

Jeleg utawi Deleg (aksara Bali: jĕl̥g·, dĕl̥g·)inggih punika silih tunggil bé predator sané idup ring tukad utawi telaga. Bé puniki ring Indonésia: Ikan Gabus ring basa Inggris akéh meduwé wastan sekadi common snakehead, snakehead murrel, chevron snakehead, striped snakehead. Wastan ilmiah ipun Channa striata (Bloch, 1793).

Jeleg
Jeleg, Channa striata
Klasifikasi ilmiah
Krajaan	Animalia
Filum	Chordata
Kelas	Actinopterygii
Bangsa	Perciformes
Familia	Channidae
Marga	Channa
Spésiés	C. striata
Adan Binomial
Channa striata (Bloch, 1793)

Ring Bali jeleg kedadosang pésan, ageng nyané ring Bali nenten sekadi ring nusa Kalimantan utawi nusa Sumatera, nika mawinan olahan ipun nenten akéh.

Ciri

Tendas bé jeleg

Bé tukad mepresidayang gedé sawatara 1 m. Tendas ipun gedé gépéng sekadi tendas lelipi (punika kewastanin snakehead), pateh sekadi lele kawéntenang sisik-sisik ageng ring tendas ipun. Awak ipun sekadi dodol ageng dawa. Sirip tundun ipun dawa miwah sirip buntut ipun bunder atenga ring ujungné.

Sisi duur awak—saking tendas nganti ka buntut—mewarna ireng, ireng kecoklatan utawi kaijoan. Sisi betén awak punika putih, saking sungut ka duri. Sisi samping kacorak tebel (striata, kacorak) sané tipis - tipis. Warna ipun menawi sekadi dasar genah toya ipun. Bungut nyané ageng, taler gigi-gigi nyané ageng tur mangan.

Pasebaran

Jeleg kasebar saking Pakistan ring sisi kauh, Nepal sisi kelod, ring wewidangan India, Bangladesh, Sri Lanka, Cina sisi kelod, miwah wewidangan Asia Kelod-Kangin rumasuk Indonésia.

Habitat

Jeleg kawéntenang ring danu, rawa, tukad, miwah jelinjing sané ka umane. Bé punika ngemangsa bé sané alit, serangga, miwah satwa ring toyané sekadi becing-becing miwah katak.

Menawi akéh jeleg kebakta blabar ka got miwah tetelajakan ring umahé, utawi ngeranjing ka telaga sané miara bé ngelantur dados pemangsa ring irika. Ritatkala masan panes jeleg presida melancaran ngerereh genah sané wénten toya utawi nanem padewekan ipun ring endut. Sekadi lélé utawi bétok, jeleg puniki prasida melancaran ri tatkala sabeh. Jeleg prasida sekadi punika mawinan insang ipun medue jeroan labirin menawi lebih primitip.

Ring masan kawin, bé muani miwah luh ngaryaning sebuh ring nampek taru-taruan ring toyané. Panak bé puniki mewarna jingga bang megaris ireng, ngonong makelompok ngerereh amahan. Kelompok yowana puniki kajaga olih induk nyané.

Kagunaan

Ketupat Kandangan saking Kandangan nganggén ulam jeleg

Jeleg ring dura Nusa Bali sekadi Kalimantan taler Sumatera dados ulam sané akéh kaolah, nentén sekadi ring Bali, jeleg irika ageng-ageng. Ulam jeleg kaolah dados panganan sedina-dina ring Kalimantan, ulam ipun akéh medué Albumin sané becik ngewantu ngewasang tatu.

Pustaka

• (Inggris) Channa striata ring FishBase, keakses 27/1/2020
• (Inggris) Channa striata Archived 2007-09-06 at the Wayback Machine ring USGS, kaakses 27/01/2020

Suratan Liyané

• (Inggris) snakeheads.org Website sinunggil snakeheads
• (Inggris) Artikel sinunggil pikobet snakehead ring Florida, Amerika Serikat Archived 2006-04-03 at the Wayback Machine
• (Indonésia) Potensi Serum Albumin saking Jeleg, artikel ring Kompas OL, kaakses 27/1/2020
• (Indonésia) Nurpudji Astuti lan Nilai Tambah Jeleg Archived 2013-08-04 at the Wayback Machine, artikel ring Kompas OL, kaakses 27/1/2020
• (Indonésia) Jeleg Ngewacu Albumin, artikel ring Sumatra Ekspress OL, kaakses 27/1/2020