Ida Bagus Wayan Widiasa Kenitén
Ida Bagus Wayan Widiasa Kenitén (embas ring Griya Gelumpang, Karangasem, Bali, 20 Januari 1967;yusa 57) inggih punika silih tunggil pangawi basa Bali modéren sénior. Ida madué oka Ida Madé Wirya sareng biang Ida Ayu Wayan Raka (sampun séda) saking Gria Gelumpang Karangasem. Tamat saking Diploma III 1989, tamat S-I Undiksa Singaraja, Program Studi Bahasa, Sastra Indonésia, miwah Daérah 1997. Ring sasih Agustus 2012, tamat saking S-2 Linguistik Unud. Ida oneng ring sastra Bali klasik, sastra Bali modéren, sapunika taler sastra Indonésia. Sasuratan ida mawit saking nyurat satua alit-alit ring harian Bali Post. Ida ngripta puisi Bali, satua cutet, cerpén basa Indonésia, miwah ésai basa Bali wiadin Indonésia. Sasuratan idané naanin kawedar ring Bali Post, Pos Bali, Denpost, Buratwangi, Warta Bali, Bali Aga, majalah Sinar Agung, miwah Majalah Eksprési.[1]
| Ida Bagus Wayan Widiasa Kenitén | |
|---|---|
| Embas | 20 Januari 1967 Karangasem, Bali |
| Mabangsa | Indonésia |
| Wastan liyanan | IBW Widiasa Kenitén |
| Kauningin | pangawi sastra Bali |
| Rerama |
|
Panugrahan
uahIpun polih jayanti katiga nyurat cerpén mamurda “Bekung” warsa 1999, jayanti harapan kapertama mamurda “Kerikan Gangsa” warsa 2000, sami saking Balai Bahasa Denpasar. Warsa 2001, ipun polih jayanti kapapat ri tatkala nyurat cerpén “Cinta di Balik Belenggu Kasta” kawéntenang antuk Bagian Proyék Peningkatan Perpustakaan Sekolah miwah Pelajaran Sastra Jakarta. Taler polih jayanti kapertama sareng jayanti katiga nyurat dongéng sané kamargiang olih koran Tokoh, miwah warsa 2012 molihang jayanti katiga nyurat cerpén sa-Nusantara mamurda “Dongéng Sandal Jepit.”
Warsa 2006, polih hadiah sastra Rancagé antuk cakepané sané mamurda “Buduh Nglawang” sané kawedar warsa 2005. Lan warsa 2015 polih Penghargaan Widya Pataka saking Gubernur Bali antuk pupulan satua cutet idané sané mamurda “Jero Lalung Ngutah”.[1]
Sesuratan
uahCakepan sané sampun kawedar inggih punika:[1]
- Buduh Nglawang
- Bangké Matah
- Bor
- Dadong Séngol
- Jero Lalung Ngutah
- Kuda Putih
- Novélét Kania
- Pasisi Sanur
- Sabdaning Sepi
- Tuan Déwan
- Warisan Jagal
- Wangchi Wuhan (2020, Pustaka Ekspresi) pupulan satua cutet.[2]
Pustaka
uah- ↑ 1,0 1,1 1,2 "Profil Ida Bagus Wayan Widiasa Kenitén". suarasakingbali.com. Januari 2016. Kaaksés 5 Pébruari 2020.
- ↑ "Wangchi Wuhan: Suasana Pandemi dan Luapan Perasaan". tatkala.co (ring Inggris). 2022-02-18. Kaaksés 2022-04-20.
