I Wayan Mudita Adnyana
I Wayan Mudita Adnyana (embas ring désa Tenganan, 16 Séptémber 1931;yusa 93) inggih punika silih tunggil pangawi lontar Bali saking désa Tenganan, Kecamatan Manggis, Kabupatén Karangasem, Bali. Dané gelah keahlian nyurat lontar saking guru I Gusti Bagus Sugriwa saking Singaraja ring warsa 1943. Akeh karya sastrané sané karipta, conto Bhagawad Gita, Mahabharata, Ramayana, Purusada Santa, Sutasoma, Arjuna Wiwaha, Bomantaka, Gatotkacasraya, miwah liyanan sané sampun kawedharin ring sajebag gumi. Nénten ja nyurat, Dané tasih aktip ring panyuratan awig-awig désa adat, nyalin prasasti, babad miwah pamancangah. I Wayan Mudita tasih demen sareng seni pedalangan miwah macapat.[1][2]
| I Wayan Mudita Adnyana | |
|---|---|
| Embas | 16 Séptémber 1931 désa Tenganan, Kecamatan Manggis, Kabupatén Karangasem, Bali |
| Mabangsa | Indonésia |
| Kauningin | panyurat lontar |
Dané tasih gelah perpustakaan désa maaran Widhi Sastra ring warsa 1970. Dados pelopor panyuratan kakawin magambar Bharata Yudha miwah Ramayana ring désa Tenganan saking warsa 1972, miwah ngawedharang sekaa wayang sané maaran Dharma Kusuma ring warsa 1980.
Wenten tigang kepala negara sané sampun matemu sareng dané, inggih punika Présidén Italia Sandro Pertini ring tanggal 6 Juli 1983 sané meli lontar Baratha Yudha senilai Rp.10.000, Perdana Menteri Selandia Anyar, Hellené Clark sané meli lontar Baratha Yudha senilai Rp.246.000, tanggal 7 Januari 1988 miwah Présidén Indonésia, Megawati Soekarnoputri ring tanggal 31 Désémber 2001 sané meli lontar Ramayana senilai Rp.500.000. Dané tasih gelah jejaring sareng A.A.Teeuw, ilmuwan Belanda sané madedikasi ring riset sastra Indonésia.[3]
Penghargaan
uah- Juara II nyurat ring don lontar Tingkat Provinsi Bali warsa 1984
- Piagam Dharma Kusuma Madia saking Bupati Karangasem warsa 1987.
- Penghargaan Bali Kerthi Nugraha Mahottama ring Bulan Bahasa Bali IV warsa 2024.[4]
Pustaka
uah- ↑ ditwdb (2019-10-30). "I Wayan Mudita Adnyana: Pelestari Tulisan Daun Lontar". Direktorat Warisan dan Diplomasi Budaya (ring Indonesia). Kaarsipin saking versi asli tanggal 2020-10-17. Kaaksés 2020-10-11.
- ↑ Surnantaka, I. Wayan (2019-07-29). "Mudita Adnyana, Maestro Tulis Lontar Asal Tenganan Pegringsingan". POS BALI Kritis - Cerdas - Independen (ring Inggris). Kaarsipin saking versi asli tanggal 2020-10-13. Kaaksés 2020-10-11.
- ↑ Bali, Nusa. "Lontar Karya Wayan Mudita Dikoleksi Tiga Kepala Negara". www.nusabali.com (ring Inggris). Kaaksés 2020-10-11.
- ↑ Balih (2024-03-02). "I Wayan Seregeg dan I Wayan Mudita Adnyana Menerima Penghargaan Bali Kerthi Nugraha Mahottama". BALIHBALIHAN (ring Inggris). Kaaksés 2024-04-01.
