I Putu Gedé Raka Prama Putra

I Putu Gedé Raka Prama Putra utawi sané ketah kauningin antuk Tudékamatra (embas ring Gianyar, 18 Désémber 1990;yusa 33) inggih punika silih tunggil pangawi sastra Bali sané embas ring Gianyar. Yadiastun kantun wimuda, nanging dané wantah silih situnggil pangawi sané nindihin sastra Bali modéren. Ida sampun tamat saking Fakultas Ékonomi Universitas Mahéndradatta. Ida malajah ngripta daweg kantun masekolah ring SMAN 1 Blahbatuh. Kakawian-kakawiannyané naenin munggah ring Majalah Éksprési, Majalah Satua, Bali Orti (Bali Post), Bali Post, Pos Bali, Médiaswari (Pos Bali), miwah Dénpost.

I Putu Gedé Raka Prama Putra
Embas	18 Désémber 1990 Gianyar, Bali
Mabangsa	Indonésia
Wastan liyanan	Tudékamatra
Pakaryan	wartawan Pos Bali
Kauningin	pangawi sastra Bali

Sasuratan

Cakepannyané sané sampun kawedar inggih punika:

• Padang Tuh (Puisi, 2013)
• Belog (Pupulan Satua Cutet, 2014)
• Ombak Raré Bali (Puisi, 2015)

Mangkin dané makarya dados wartawan ring Pos Bali miwah dados rédaktur rubrik Gema Siswa ring Pos Bali. Sané dot matemu sareng pangawi puniki, rarisang rauh ka pondoknyané ring Banjar Kemenuh Kangin, Désa Kemenuh, Sukawati, Gianyar.