I Ketut Rida

I Ketut Rida (embas ring Banjar Kanginan, Désa Sulang, Dawan, Klungkung, 11 Séptémber 1939; yusa 81) inggih punika silih tunggil pangawi sastra Bali. Dané muputang sekolah ring SGA Stella Duce/Kanisius, Yogyakarta, warsa 1958. Raris nglanturang B1 Basa Indonésia ring Dénpasar, sakéwanten tan prasida puput. Ngawit warsa 1960 ngantos 1987, dané kangkat dados guru pengajian ring Sekolah Dasar. Minab langkung kantos 20 warsa, I Ketut Rida ngambel jabatan dados Kepala SD. Siosan ring punika, dané kaangkat dados penilik utawi pengawas TK, SD miwah SDLB. Ring désa, taler naanin kajudi dados bendésa adat Désa Sulang.

I Ketut Rida
Embas11 Séptémber 1939
Dawan, Klungkung, Bali
MabangsaIndonésia
Kauninginpangawi sastra Bali

Indik makekawian utawi nyurat, dané maosang sampun mentuk duk kantun alit, sangkaning ngarahina dané polih satua saking odahé. Indike punika sané ngawinang rasa onengé metu kantos mangkin. Sasampuné nglanturang ring B1 Jurusan Bahasa, uleng kayunné ring kakawian raris nyansan tumbuh. Dané teleb pisan ring paplajahan basa Kawi sajeroning Adiparwa.[1]

PendidikanUah

  • SGA Stella Duce Kanisius, Yogyakarta (1958)
  • B1 Basa Indonésia ring Dénpasar

PenghargaanUah

Makudang-kudang kakawian sastra Bali anyar miwah sastra Indonésia sané sampun kawedar luiré cerpén, miwah novel. Dané sampun umandel, turmaning sampun ngamolihang makudang-kudang piagam penghargaan. Penghargaan punika minakadi:

  • Warsa 1977 – 1978, dané polih jayanti II Sayembara Mengarang Basa Indonésia guru-guru SD Tingkat Provinsi Bali.
  • Warsa 1979 dados jayanti I pacentokan mengarang Pacapaliring (prosa) sajeroning Pésta Kesenian Bali (PKB).
  • Warsa 1980, polih jayanti I Sayembara Mengarang Novel Basa Bali kapakilitang ring Bulan Bahasa.
  • Warsa 1982, dados jayanti II Mengarang Geguritan sajeroning PKB.
  • Warsa 1991 ngamolihang jayanti I Lomba Cerpén Basa Bali ring harian Bali Post.
  • Warsa 1995, polih jayanti harapan I Lomba Cerpén Basa Bali ring PKB.

KasusastraanUah

  • Nyiksik Bulu, pupulan puisi (2004), Ngawit warsa 1970 ngantos 1980, makuwéh kakawian dané sané kawedar ring harian Bali Post. Pupulan puisi kamedalang antuk Balai Bahasa Dénpasar warsa 2004.
  • Sunari, Novel basa Bali sané kamedalang antuk Yayasan Obor, Jakarta warsa 1999. Novel “Sunari” puniki ngawinang I Ketut Rida ngamolihang Hadiah Sastera Rancagé saking Yayasan Kebudayaan Rancagé Bandung warsa 2000.
  • Lawar Goak, cakepan (2014), penerbit Arti Foundation, akeh kaca viii + 156 lempir. dané ngamolihang Widya Pataka saking Gubernur Bali antuk cakepan puniki.[2]
  • Goak Mabunga Sandat, cakepan satua cutet.

PustakaUah

  1. "I Ketut Rida". suarasakingbali.com. April 2017. Kaakses 4 Pébruari 2020.
  2. sujaya. "Lawar Goak: Kisah Bali yang Benar-benar Bali". balisaja.com. Kaakses 2020-04-23.