I Gusti Gdé Raka

I Gusti Gdé Raka embas ring Bali warsa warsa 1906, silih tunggil politisi saking Partai Rakjat Nasional (PRN) sané polih dados anggota Déwan Perwakilan Rakyat periode 1950-1956. Akéh madué pangalaman makarya kautama indik kajinahan, saking warsa 1928 polih makarya dados Adjun Komis Comptabiliteit Singaraja, salanturné ring Surabaya. Ring warsa 1934 - 1942 dados Algemene Ontvanger Singaraja, Denpasar. Sané untat dados Schatkistambtennaar Comptabiliteit Makassar. Rikala pandudukan Jepang ida makarya ring wagian Kemakmuran selanturné ring Pebendaharaan. Ring sasih Séptémber 1945, ida kaangkat dados Manggala Perbendaharaan Propinsi Sunda Alit Pameréntah R.I. ida katawan olih tentra Belanda sasih Maret 1948 - Juli 1949. Sesampun kalepas, ida nuju Yogyakarta makarya dados Manggala Kajinahan ring Kamantrian Kajinahan R.I. Ring sasih Nopémber 1949 - Pébruari 1950 kaangkat dados Inspektur Manggala Kajinahan miwah anggota B.P.K.N.P. wakil Golongan Sunda Alit. Embas nyané Negara R.I.S. dados anggota D.P.R. R.I.S. Kaadegang malih Negara Kasatuan, dados anggota D.P.R. R.I. Polih nyarengin dados anggota Misi Jasa-jasa RI nuju Burma. Tiosan saking politik ida saking warsa 1930 - 1932, aktip dados anggota Prajuru "Bond Adm. Personeel” pahan Surabaya, anggota Prajuru "Schatkist Belasting Ambtenaar Bond" miwah olih dados anggota P.N.I. Merdeka.

I Gusti Gdé Raka
I Gusti Gdé Raka warsa 1950
Déwan Perwakilan Rakyat
Masa jabatan 16 Agustus 1950 – 17 Agustus 1956
Informasi pragaan
Embas	1906 (1906) Bali
Séda	Bali
Kawangsaan	Indonésia
Partai politik	Partai Rakjat Nasional
Propési	Politikus