I Gedé Putra Ariawan

I Gedé Putra Ariawan (embas ring Kediri, Tabanan, 16 Juni 1988;yusa 36) inggih punika silih tunggil pangawi Bali. Dané muputang studi S-1 ring Jurusan Pendidikan Bahasa miwah Sastra Indonésia UNDIKSHA-Singaraja warsa 2010 tur warsa 2014 dané muputang studi S-2 ring Pascasarjana UNDIKSHA. Sané mangkin dané makarya dados guru Bahasa Indonésia ring SMAN 1 Kediri. Dané makéh nyobyahang karya sastra Bali modérn minakadi satua cutet, opini bawak, artikel miwah puisi. Karya sastrannyané kawedar ring Bali Orti (Bali Post), Média Swari (Pos Bali), Majalah Éksprési, miwah Majalah Satua.

I Gedé Putra Ariawan
Embas	16 Juni 1988 Kediri, Tabanan, Bali
Mabangsa	Indonésia
Kauningin	pangawi sastra Bali

Pendidikan

• SMA 1 Kediri, Tabanan
• S1 Jurusan Bahasa & Sastra Indonésia ring Universitas Pendidikan Ganesha
• S2 Pascasarjana ring Universitas Pendidikan Ganesha

Kasusastra

Dané sampun ngamedalang cakepan marupa pupulan satua cutet sané mamurda "Ngurug Pasih" warsa 2014 miwah ngamolihang hadiah Sastra Rancagé 2015. Ring 30 Januari 2016, dané dados pembicara ring acara Sandyakala #49 sané kalaksanayang olih Bentara Budaya Bali.