I Gedé Gita Purnama Arsa Putra

Indonesian short story writer literature activist and Wikipedian

I Gedé Gita Purnama Arsa Putra, Bayu Gita, utawi Gita Purnama (aksara Bali: gitapuŕnama, embas ring Kota Dénpasar, 29 Oktober 1985 – seda ring Dénpasar, 25 Pébruari 2023 ring yusa 37) inggih punika silih tunggil pangawi miwah dosen sastra Bali ring Univérsitas Udayana. Ida embas ri tatkala rahina purnama, nika mawinan kaki idané ngwastanin ida Purnama mangda kahuripan ida satata galang. Ida sesai kapanggil antuk wastan Bayu, Bayu punika wastan sané kaicénin olih bidan sané ngwantu ri tatkala ida lekad.

I Gedé Gita Purnama Arsa Putra
I Gede Gita Purnama Arsa Putra & Dewa Ayu Carma Citrawati ring World of Wikipedia, Sydney, Ostrali
Embas29 Oktober 1985
Kota Dénpasar, Bali
Séda25 Pébruari 2023
Kota Dénpasar, Bali
MabangsaIndonésia
Wastan liyananBayu Gita
Gita Purnama
PakaryanDosen Sastra Bali, Univérsitas Udayana
Kauninginpangawi sastra Bali

Warsa 2008, muputang sarjana ring program Bahasa miwah Sastra Bali ring Fakultas Ilmu Budaya Univérsitas Udayana, raris nglanturang pascasarjana ring Konséntrasi Wacana Sastra, Linguistik Univérsitas Udayana. Sadurungnyané makarya dados dosén ring IHDN Dénpasar, ngelantur makarya dados dosén ring Udayana. Oneng nyurat puisi, satua cutet miwah ésai ngawit saking SMP. Kakawianné kawedar ring Bali Orti (Bali Post), Bali Post, miwah Médiaswari (Pos Bali).

Gita Purnama dados pamipil ring cakepan pupulan puisi “Déndang Dénpasar Nyiur Sanur”, pupulan puisi “Dénpasar miwah Donpasar”, miwah pupulan puisi “Angripta Rum”. Cakepan sané sampun kamedalang inggih punika pupulan satua cutet sareng istrinnyané sané mamurda “Smara Réka” warsa 2014. Lianan ring punika dané taler dados silih tunggil tim penulis Biografi I Wayan Beratha, Seniman Bali sané dampun kaloktah ring dura negara. Ring warsa 2016, dané ngamolihang hadiah Sastra Rancagé antuk jasanyané ring panglimbak Sastra Bali Modéren.[1]

Pendidikan uah

Ida ngranjing ring:

Sesuratan uah

Ida aktip ring gumi sastra saking SD, ida naenin ngamiletin lomba puisi tur ngamolihang jayanti. Ritatkala SMP, ida naenin ngripta puisi sané mamurda "Tilem", santukan puisi punika ida kasengguh mawastan tilem. Sasampunné tamat SMA, ida nglanturang ring Jurusan Sastra Daérah Bali Univérsitas Udayana. Ritatkala kuliah, ida aktip pesan ngamiletin kegiatan organisasi ring kampus minakadi pinaka koordinator bidang humas, ketua himpunan mahasiswa Jurusan Sastra Daérah Bali, miwah Sékrétaris Badan Perwakilan Mahasiswa Fakultas Sastra Udayana. Tiosan punika, ida naenin makarya dados wartawan ring majalah miwah koran lokal. Sasampuné tamat S1, ida nglanturang pascasarjana ring Program Studi Linguistik Konsentrasi Wacana Sastra ring warsa 2009. Salanturnyané, ida makarya dados dosén ring Institut Hindu Dharma Negeri ring warsa 2012. Ida aktip ngajegang basa, aksara miwah sastra Bali. Nika mawinan ida ngaryanin organisasi Aliansi Peduli Bahasa Bali tur ngawedar 1000 Penyuluh Bahasa Bali ring warsa 2015. Ida ngripta karya sastra modérn minakadi satua cutet tur naenin ngawedar buku mamurda "Smara Réka". Ring warsa 2016, Ida ngamolihang Sastra Rancage ring bidang pengembangan miwah pelestarian sastra miwah budaya.[2]

Karya sastra uah

  • "Déndang Dénpasar Nyiur Sanur" (pupulan puisi)
  • "Dénpasar miwah Donpasar" (pupulan puisi)
  • "Angripta Rum" (pupulan puisi)
  • Tilem, puisi
  • Ngalih Sampi Galang Bulan, satua cutet saking cakepan “Smara Réka” pustaka pupulan satua cutet sareng Carma Citrawati (2014)[3]
  • Biograpi I Wayan Beratha: Seniman Bali Kelas Dunia (1926-2014)[4]

Karya tulis uah

  • "Eksplorasi Narasi dan Bahasa Rupa Naskah Lontar Prasi Koleksi Museum Bali" (2022)
  • "Unsur Etnik dalam Lontar Prasi sebagai Cenderamata dalam Pariwisata di Bali" (2022)
  • "Usaba Sumbu; Potensi Wisata Budaya Dan Wisata Gastronomi Di Kabupaten Karangasem" (2021)
  • "New normal bagi pariwisata bali di masa pandemi covid 19" (2020)[5]
  • "Representasi Multikulturalisme dalam Trilogi novel “Sembalun Rinjani” Karya Djelantik santha" (2012)
  • "Sutindih ring Basa Bali; Sinergi Pemerintah dan Lembaga NonPemerintah dalam Usaha Melestarikan Bahasa Bali" (2018), Paper ring Kongres Basa Indonesia[6]

Organisasi uah

Pustaka uah

  1. "Profil I Gedé Gita Purnama ring majalah Suara Saking Bali". suarasakingbali.com. April 2016. Kaaksés 5 Pébruari 2020.
  2. "I GEDE GITA PURNAMA: Perjalanan Menuju Pengabdian kepada Ibu Bahasa Bali". www.an1mage.org. Séptémber 2017. Kaarsipin saking versi asli tanggal 2020-02-20. Kaaksés 28 Januari 2020.
  3. Bali. "Tutur I Nanang: Djelantik Santha". Suara Saking Bali. Kaaksés 2020-04-21.
  4. "Biografi I Wayan Beratha, Seniman Bali Kelas Dunia Diluncurkan". Bisnis.com (ring Indonesia). 2014-12-22. Kaaksés 2023-02-28.
  5. "New normal bagi pariwisata bali di masa pandemi covid 19". scholar.google.co.id. Kaaksés 2023-03-07.
  6. Gita Purnama, I Gede. "Sutindih ring Basa Bali; Sinergi Pemerintah dan Lembaga NonPemerintah dalam Usaha Melestarikan Bahasa Bali" (PDF). repositori.kemdikbud.go.id. Kaaksés 2023-03-07.