Hotteok
Hotteok inggih punika panekuk utawi sanganan sané madasar terigu sakadi jaja dadar sané madaging pasta kacang. Ketahnyané kaajeng pinaka sanganan ring Koréa Selatan. Sanganan puniki kagoreng antuk lengis sané liu, enak kaajeng ri kala kantun anget miwah populer dados sanganan ri kala musim dingin.
 | |
| Tipé | Panekuk |
|---|---|
| Mawit saking | Koréa |
| Lakaran utama | Dough: tepung gandum, toya, susu, gula, ragi Daging: gula merah, madu, kacang, cinnamon |
| Hotteok | |
|---|---|
 | |
| Wastan Koréa | |
| Hangeul | 호떡 |
| Hanja | n/a |
| Alih Aksara sané kaparipurnayang | hotteok |
| McCune–Reischauer | hottŏk |
Sanganan puniki wentuknyané bunter miwah tebel sakadi panekuk miwah kadagingin pasta kacang sané manis. Wastan ho-tteok mawit saking kruna ho (胡; wangsa ring Cina Barat/Utara) miwah tteok. Sanganan puniki kasub ring korea ring panguntat abad 19 risampuné kakaryanin olih pedagang Cina sané jenek ring Koréa. Nenten sakadi panekuk Cina sané ketahnyané madaging ulam, hotteok madaging kacang manis mangda anut ring kasenengan janma Koréa.
Adonan kakaryanin saking campuran tepung terigu miwah tepung ketan sané kaencebin ring toya, kawewehin antuk gula, susu, miwah ragi. Risampuné punika kaoyongang dumun, raris adonan punika prasida kaanggén bola-bola sané ageng sagedé gembelan tangan. Adonan punika raris kadagingin pasta sané manis, kakaryanin saking campuran gula cokelat, madu, gilingan kacang tanah, miwah aroma kayu manis. Adonan sané sampun misi pasta kagoreng di baduur panggorengan miwah katekén-tekén ngantos pegpeg. Neken punika anggén alat peneken hotteok sané bunter saking baja.
Pustaka
uahPranala jaba
uah| Wikimédia Commons madué média indik Hotteok. |