Gohu ikan
Gohu ikan (yén basa Baliné "Gohu ulam") inggih punika ajengan khas Ternate sané malakar saking ulam Tuna utawi Cakalang matah sané taler kasengguh dados Sashimi Ternate utawi Ceviche Ternate olih makudang jadma.[1] Soroh ajengan puniki ring para wong Ternate miwah antuk para wisatawan sané rauh nuju Ternate orana "Gohu Ikan", madaging nilai kabecikan ring indik kesehatan. Kanikayang indik krana lakaran utama saking ajengan Gohu Ikan punika ulam segara sané kantun seger. Ulam segara sané ketah kaanggén inggih punika ulan Tuna miwah Cakalang. Kaanggit saking situs wéb dokter sehat, makakalih soroh ulam puniki madaging nutrisi sané akéh tur nyéhatang, punika madué protéin tegeh tur madaging asem muluk omega-3 sané mawiguna antuk raga sané ngajeng, kautama ngajaga stamina, mangindarin kanker, ngajaga kasehatan panyingakan, détoksifikasi, ngajaga kasehatan jantung miwah ngajaga kasehatan otak."[2] Cara maratengan Gohu ikan antuk cara ulam Tuna utawi Cakalang, uyah, limo miwah kemangi sané matah kacampuh. Lantas kacampuh sareng kesuna miwah tabia sané sampun karatengin. Gohu ikan prasida kaajeng sinarengan Papéda, Kasbi miwah Huda.[3]
 | |
| Sajian | Ajengan utama |
|---|---|
| Mawit saking | Indonésia |
| Wawengkon utawi wewidangan | Ternate |
| Suhu penyajian | Hangat |
| Lakaran utama | Ulam segara |
Lelintihan
uahSacara umum soroh kuliner ring Ternate kawarnain utawi kapingaruhin olih kalih wawengkon sané manampekan, punika Maluku miwah Sulawesi Kalér. Sekadi paindikan ring basa kasawaian jadma Ternate sané prasids kacunduk ring makudang wawengkon Sulawesi Kalér miwah sajebag Wawengkon Maluku, sekadi indikné taler ajengan saking wawengkon puniki sané madué citarasa khas saking Maluku miwah atenga saking Sulawesi Kalér. Sekadi sané kaanggit saking situs punika Kamera Budaya, nganikayang paindikan punika prasida memargi, yén éling aecara géograpis genah Ternate magenah nampek sareng Propinsi Sulawesi Kalér sané kantun dados masikian wawengkon sareng Propinsi Maluku Kalér. Prasida kanikayang pinaka akéh soroh ajengan tradisional sané prasida kacunduk ring Ternate, yadiastun kawarnain utawi kapingaruhin olih citarasa saking Sulawesi Kalér miwah Maluku Kalér. Siosan punika, soroh ajengan sané kacunduk ring Ternate makasami kakait sareng ulam segara. Krana, Ternate dados kapuloan sané alir, sané kabelasang saking Propinsi Maluku Kalér, sakéwanten kantun dados pahan saking Prooinsi Maluku Kalér. Siosan taler, soroh pakaryan panjak ring Ternate makéhan makarya dados bendéga, yadiastun wénten taker sané matani. Iriki taler ngambarang ajengan sapa rahina panjak Ternate setata malakar saking ulam segara. Gohu ikan dados ajengan rakyat utawi ajengan sané ketah kacunduk ring umah-umah panjak irika. Khususné, ipun sané magenah ring pasisi, krana sané ketah ngajeng ajengan tradisional matah puniki nénten liyanan para bendégané.[4]
Pustaka
uah- ↑ Kaya, Indonesia. "Gohu Ikan: Primadona Kuliner Ternate : Kuliner - Situs Budaya Indonesia". IndonesiaKaya (ring Indonesia). Kaarsipin saking versi asli tanggal 2021-01-25. Kaaksés 2020-01-08.
- ↑ "10 Manfaat Ikan Tuna bagi Kesehatan". Informasi Kesehatan dan Tips Kesehatan - DokterSehat (ring Indonesia). 2018-09-14. Kaarsipin saking versi asli tanggal 2021-05-16. Kaaksés 2021-02-15. Unknown parameter
|dead-url=ignored (help) - ↑ "Gohu, Ikan Mentah Ala Ternate Yang Bikin Ketagihan!". pesona indonesia (ring Indonesia). Kaaksés 2020-01-08.[permanent dead link]
- ↑ Kompasiana.com (2019-12-14). "Gohu Ikan ala Ternate Merupakan Makanan Raw Food dari Negeri Maluku Bagian Utara". KOMPASIANA (ring Indonesia). Kaaksés 2021-02-15.