Djelantik Santha

Djelantik Santha utawi I Gusti Gedé Djelantik Santha (aksara Bali: djĕlantiksanṭa, embas ring Selat, Karangasem, Bali, 12 Agustus 1941 – seda ring Karangasem, Bali, 14 Juni 2017 ring yusa 75) inggih punika silih tunggil pangawi sastra Bali modérn. Mawit saking alit, masekolah ring Sekolah Rakyat 1949, kantos truna, dané sampun ngalintasin genah ring Bali. Dané naéning ring Selat, ngelantur ke Klungkung miwah Singaraja. Wusan tamat ring SMEAN Singajara warsa 1961. Ida naenin dados guru SMP Gunung Agung ring Selat sadurung makarya dados karyawan Bank BRI kantos pénsiun warsa 1997. Dané seneng nyurat sampun tumbuh ri tatkala dané kari belia. Ritatkala dané kari mayusa kelas 4 sekolah rakyat, dané mengarang tembang miwah pantun.[1]

I Gusti Gedé Djelantik Santha
Embas12 Agustus 1941
Selat, Karangasem, Bali
Seda14 Juni 2017
Karangasem, Bali
MabangsaIndonésia
Wastan liyananDjelantik Santha
PakaryanGuru SMP Gunung Agung
Karyawan Bank BRI
Kauninginpangawi sastra Bali

Warsa 1979, satua cutet dané sané mamurda Gamia Gamana polih juara II mengarang cerpen ri kala Pesta Kesenian Bali. Warsa 2001, dané ngamolihang penghargaan cakepan saking Majalah Sarad antuk dédikasiné ring sastra Bali modéren. Warsa 2002, dané ngamolihang hadiah Sastra Rancagé antuk novél sané mamurda Sembalun Rinjani. Warsa 2003, dané taler polih juara harapan II ring lomba penulisan novel sané kaselenggaraang olih Bali Post antuk novél san mamurda Di Bawah Letusan Gunung Agung.[2]

SasuratanUah

Cakepan-cakepan sané sampun kamedalang, inggih punika:

  • Tresnan Lebur Ajur Setonden Kembang, novél (1981)
  • Sembalun Rinjani, novél (2000)
  • Gitaning Nusa Alit, novél (2002)
  • Di Bawah Letusan Gunung Agung, novél mabasa Indonésia, (2003)
  • Suryak Suwung Mangmung, novél (2005)
  • Benang-Benang Samben, novél (2014)
  • Vonis Belahan Jiwa, novél mabasa Indonésia, (2015)
  • Kacunduk ring Besakih, Pupulan satua cutet (2015)

Satua cutetUah

  • Gamia Gamana, satua cutet, juara II mengarang cerpen ri kala Pésta Kesenian Bali.
  • Majogjaj, satua cutet
  • Dia Bernama Diantari, satua cutet sané kamuat ring harian suluh Indonésia sané mangkin ring Bali Post.[3]

PustakaUah

  1. Bali, Nusa. "Manda dan Djelantik Santha Masih Eksis Berkarya di Kala Senja". www.nusabali.com (ring Inggris). Kaakses 2021-11-04.
  2. "I Gusti Gedé Djelantik Santha - BASAbaliWiki". dictionary.basabali.org. Kaakses 2020-04-21.
  3. Dinas Kebudayaan Provinsi Bali. Bibiografi Sastrawan Bali. Denpasar, 2009