Carcan Asu
Carcan Asu inggih punika suratan sané ngapidartayang indik makudang-kudang cecirén miwah soroh, ring carcan puniki ngapidartayang indik buron asu (Canis lupus), antuk artos miwah pingaruh becik nénten nyané antuk manusa.
| Carcan Asu | |
|---|---|
| Ukuran | cm x cm |
Soroh uah
Carcan Asu sané kacunduk ring Gedong Kirtya Singaraja, ring lontar punika kanikayang makudang-kudang cecirén indik asu. Sakediknyané, wénten 31 cecirén sané kanikayang ring lontar punika. Saking 31 cecirén punika, wénten makudang cecirén sané becik:[1][2]
- Asu gong sabarung, asu munyine gilik gedé, cicing ngongkong sambil ngeutut. ageng miakta pangaruh / wibawa.
- Asu ipuser warsa, asu meuseran di cadikne. ngamatiang soroh niskala sané tan becik.
- Asu mebulu barak, layah bolong, buluné rengreng. Pangentas kala dengen, becik ngajaga miwah negtegang genah tenget.
- Asu telapakan batisne belus, becik antuk pangentas miwah ngapademang ki calonarang.
- Asu selem, ujung kuping barak, becik dados panolak mara baya
- Asu mebulu alus, becik dados panolak sekancan darjana.
- Asu mabulu selem alus, diduri dimpil, becik dados panolak sekancan durjana miwah durjana dados asih.
- Asu warna kelau, mata putih, ngepademang sekancan ala baya.
- Asu rajeg wesi, asu mabulu putih - selem / poleng, mata selem, becik anggé ngapademang pangiwa, pepasangan, miwah acep-acepan
- Asu mebulu putih tulus antuk warna silih tunggil kuku kenawan selem, sang sané madué pacang selamet, para durjana asih majeng sané nuénang.
- Asu barang ngelah mata linglang, asu raja, anggé kasukertan jagat.
- Asu macan gading, layah belang, mabulu belang gading, becik antuk maboros.
- Asu ambarsari, mabulu belang gading, asu sané sanget mawiguna, makasami soroh gergasi nyembah olih ipun.
- Asu selem ngekukud, mawarna selem saking bulu ngantos kukuné, miwah layahné rengreng. Becik kapiara, prasida ngaonang makasami sané madué kawikanan pangiwa.
Solah uah
Lontar Carcan Asu ngapidartayang indik warna, cecirén, miwah pingaruh asu majeng kauripan sang panuénang. Pertama Punika ngukur lantang saking ujung moncong ngantos ujung ikuh asu. Selantur nyané, ukur lantang riantara moncong sareng titik rintara mata. Asil pangukuran moncong nuju ikuh kasandingang mawit lantang moncong nuju titik riantara mata, nganggén bacakan "guna-jaya-paksa-ketek-kiul". Asapunika artos saking bacakan inggih punika:[3]
- Guna: Pinaka paitungan puput ring guna, sapunika kacawang asu punika akéh ngelah guna. Ipun asu sané ngelah polah nuutin miwah aluh kaajahin. Asu puniki pacang mawiguna pinaka ipun seken-seken kaajahin.
- Jaya: Pinaka paitungan puput ring Jaya, artos nyané asu punika setata nagih majaya. Ipun ngelah polah dados panguasa, ngaranayang ipun langkung mapolah ngulanginin. Krana atraktif miwah langkung momo. Asu punika, perlu galah antuk ngajahin miwah ngamanjaang, asu punika tan becik antuk panjaga umah, krana aluh lepas miwah maindengan antuk ngedébang genah ipun.
- Paksa: Pinaka paitungan puput ring paksa, ipun soroh asu sané liar langkung galak miwah wanén. Asu puniki tan becik nyarengin pelalianan miwah patut kapaksa mangda nyarengin paréntah. Yadiastun sekadi punika, asu soroh puniki kaloktah satia majeng sané nuénang miwah becik dados panjaga umah.
- Ketek: Pinaka paitungan puput ring ketek, kurna punika mawit saking kruna betek. Ipun soroh asu sané mapolah sujati sakadi beburon. Ipun dekil, demen ngorék tanah, demen ngarugah luu, miwah méweh kapandusang, santukan punika ten becik antuk kapiara ring umah.
- Kiul: Pinaka paitungan puput ring kiul, artos nyané mayus. Ipun ten sanget nagih maplaliyanan krana demen ngamah miwah meden, becik antuk sané nénten madué galah antuk asu nyané.
Pustaka uah
- ↑ "Budaya Bali : Carcan Asu (cicing) mengenal sifat anjing Bali". Budaya Bali. Kaaksés 2022-01-22.
- ↑ Times, I. D. N.; Putri, Diantari. "Ciri-ciri Anjing Pembawa Keberuntungan Menurut Primbon Bali". IDN Times (ring Indonesia). Kaaksés 2022-01-22.
- ↑ "Perhitungan Bali Untuk Memprediksi Sifat Anjing – Kalender Bali" (ring Indonesia). Kaaksés 2022-01-22.
