Bendu
Bendu inggih punika silih tunggil sanganan ring Bali.[1] Jaja bendu punika kakaryanin antuk tepung beras sané macampuh antuk nyuh makihkih. Raris kadagingin unti saking nyuh miwah gula Bali. Campuhan tepung beras sareng nyuh punika raris kadadosang asiki mangda dados atep campuhannyané. Raris kadadah tipis wawu raris manyahnyah ring pangorénganné. Risampunné rateng wawu raris kadagingin unti, raris kagulung tur kakaput antuk don biu.
 Bendu | |
| Tipé | Jaja |
|---|---|
| Mawit saking | Indonésia |
| Wawengkon utawi wewidangan | Bali |
| Lakaran utama | tepung baas, nyuh, gula bali |
Jaja bendu utaminnyané kadadosang pinaka sanganan cecirén ring Tabanan miwah Jembrana. Yéning krama Tabanan miwah krama Jembrana madué karya pastika Jaja bendu punika dados sanganan sané nénten dados pasah ring karya punika.
Pustaka uah
- ↑ "Jaje Bendu, Makanan Khas Bali". Pemerintah Kota Denpasar. Kaarsipin saking versi asli tanggal 8 April 2019. Kaaksés 8 April 2019.