Beji Selati
Béji Selati inggih punika silih tunggil genah malukat sané wénten ring Bali. Panglukatan puniki magenah ring Banjar Selati, Desa Bunutin, Kecamatan Bangli, Kabupatén Bangli. Panglukatan puniki wenten aliran tukad Sangsang sane kaiterin antuk abing, batu miwah gua sané alami sané ngawinang genahé puniki sayan asri. Ring genahé puniki wénten 13 pancoran, 9 pancoran mawit saking tebing ring ajeng ring sisi kelod, 4 pancoran wénten ring sisi kaja ring sor. Taler ring panglukatan puniki wénten makudang-kudang arca, minakadi arca Siwa, lingga yoni, naga, miwah déwa-déwi. Akéh sané percaya yéning pancoran puniki pingit tur prasida ngicalang sakancan panyungkan sekala miwah niskala. Piodalan ring genahe puniki inggih punika ring Tumpek Wayang ring rahina Saniscara, Kliwon, wuku Wayang.
| Beji Selati | |
|---|---|
 Panglukatan Béji Selati | |
 | |
| Inpormasi umum | |
| Tipe | Pura |
| Pakem Undagi | Bali |
| Genah | Desa Bunutin, Kabupaten Bangli |
| Margi | Desa Bunutin, Kabupaten Bangli, Bali 80661 |
| Koordinat | 8°31′08″S 115°20′06″E / 8.518976°S 115.335099°EKoordinat: 8°31′08″S 115°20′06″E / 8.518976°S 115.335099°E |
Awig Malukat uah
Sadurung nglaksanayang panglukatan ring Beji Selati wénten tata titi utawi awig sané patut kauningin. Sadurung ke beji, ngiring tangkil atur piuning dumun ring palinggih sané pertama antuk bakti sawéntené (canang sari/rarapan). Lukat angga lan baktiné, tumulis raris unggahang baktiné ring ayun/ring ajeng.
- Piuning pertama: katur ring sesuhunan Pura Dalem Pingit Pusering Jagat
- Piuning kaping kalih: katur ring Penyapa/Penjaga Béji
- Piuning kaping tiga: katur ring sané wénten ring taru
