Banjar (Bali)

Banjar inggih punika pah-pahan administratip ring Bali, genahnyané ring sor désa, mapaiketan sareng désa dinas, pateh sakadi Rukun Warga. Banjar pinaka panunggalan krama sané madué wates-wates wewidangan sané prasida ngatur miwah ngurus makasami indik krama banjar. Malarapan antuk adat istiadat sané sampun kaangkenin miwah kasinggihang ring sistem negara Indonésia.

Duké riin para krama Baliné makasami kantun ngutamayang asil-asil ring kahuripan sakadi asil mamacul utamanyané padi, kawigunan banjar sané anyar wantah ngurus pamargin toya ring sawah para krama kawastanin subak, majeng ring jadma sané ngranjing dados krama banjar. Ring panglimbak jagaté mangkin, kawigunan banjar sampun nglimbak miwah sayan nincap kantos ngurus makasami parindikan administratip sakadi makarya KTP, Kipem utawi indik lianan sané mapaiketan sareng upacara adat.