Ayu Laksmi

I Gusti Ayu Laksmiyani, utawi luwih kasub mawastan Ayu Laksmi (embas ring Singaraja, 25 Nopémber 1967;yusa 56) inggih punika silih tunggil artis, pagending, pemain pilem miwah teater miwah pangripta gending saking Indonésia.

Ayu Laksmi
Latar belakang
Wastan lekad	I Gusti Ayu Laksmiyani
Wastan liyanan	Ayu Laksmi
Embas	25 Nopémber 1967 Singaraja, Bali, Indonésia
Jenis musik	world, rock, pop
Pakaryan	pagending, pangripta gending, pragina, artis
Warsa aktif	1988–mangkin
Perusahaan rekaman	Team Record Production (1991) Demajors (2011-mangkin)
Rerama	I Gusti Putu Wiryasutha (alm) I Gusti Ayu Sri Haryati
Situs resmi	www.ayulaksmi.com

Karir

Naenin kaloktah maka Lady Rocker ring pangawit warsa 1990. Ring warsa 2011, kalih dasa warsa duk embas albumnyane kapertama, dané malih ngamedalang album anyarnyane, Svara Semesta. Sane mangkin Ayu Laksmi malih magubugan ring makudang-kudang festival musik sané kakuwubannyane lokal, nasional yadian internasional.

Ayu duur ring kulawarga sané oneng ring seni, utaminyane seni musik. Sasukat sampun naenin ngentasin kalangan ri tatkala mayusa 4 warsa, Ayu nyansan limbak nyarengin makudang-kudang festival seni, sané kuwubnyane lokal, nasional saha internasional. Pesengan Ayu Laksmi nyansan kasub duk maka jayanti BRTV propinsi Bali warsa 1983 saking ketegori Trio sané kasarengin olih rakannyane Ayu Weda miwah Ayu Partiwi sané mawasta Ayu Sisters raris ngamolihang jayanti III miwah sapisanan maka Trio sané berpenampilan terbaik acara BRTV tingkat Nasional.

Ayu Laksmi taler kauningin maka silih tunggil Lady Rocker ring balantika musik nasional ri kala era warsa 1984-1993 Ayu sané mawit saking Bali prasida ngalimbak ring kuwub musik nasional, taler ri kala makudang lagu miwah Sountrack film sané kagendingang, dahat pepes kapiragi olih para pangoneng musik ring Indonésia duk punika.

Ring warsa 1989 Ayu sareng ring album kompilasi Indonésia's Top 10 malarapan antuk single "Tak Selalu Gemilang" pakardin Didi AGP, Soundtrack pilem cutetan Si Boy 2 antuk gending "Hello Sobat" pakardin Harry Sabar.

Ring warsa 1991, ngamedalang album kaperatama antuk murda Istana Yang Hilang sané maka arranger Raidy Noor. Nanging di sampune album punika embas pesengannyane raris kaon saking industri musik Indonésia. Ayu mawali budal ka Bali ring warsa 1992 jaga ngalanturang kuliah ring Fakultas Hukum Universitas Udayana, tur lulus maka Sarjana Hukum ring warsa 1993.

Ring warsa 1995-1997, Ayu Laksmi macepuk ring sekaa band sané sampun kasub ring Bali inggih punika Tropical Transit, sané kapucukin olih Riwin, silih tunggil krama sekaa Pahama, macepuk ring band puniki Ayu Laksmi muruk dados entertainer, dané taler magenjah ring makudang gagendingan makadi jazz, latin, miwah sané tiosan. Ayu Laksmi magending ring makudang genah, ngawit saking kafe, restaurant, hotel, ngantos kapal pesiar miwah polih malayar ring segara Karibia.

Ring warsa 2002, malih Ayu ngeramenin pentas gendingan Indonésia madasar antuk stil anyar, nyapuhang kalih wangun musik cara kangin miwah modern, daweg punika dané taler aktif ring makudang parikrama Bali For The World, acara puniki inggih punika parikrama ngupapira sangkaning keni ala bom Bali. Ring warsa 2006 dané polih taler sareng sekaa musik rohani Hindu Nyanyian Dharma sané kapucukin olih Dewa Budjana.

Ring panguntat warsa 2010, Ayu Laksmi mapamit saking makudang sekaa musik, raris ngamedalang album Svara Semesta. Masarengan ring pamedalan albumnyane, dané taler ngwangun miwah ngamucukin sekaa musik sané kawastanin pateh ring murdan albumnyane, Svara Semesta. Nganutin pamargin galahe, group sané maduluran World Musik puniki ngalimbak manados sekaa seni, para yowana sané kreatif sané mawit saking: pangrawit, penari, teater, sané waged, sané mawit saking genah sané matiosan ring Indonésia. Sareng sekaane puniki Ayu Laksmi mawali malelana saking panggung-panggung festival seni budaya ring Indonésia taler ring dura negara.

Maprakanti sareng sutradara kaloktah Garin Nugroho ring film "Under the Tree" Ayu polih matategar dados pemain film, rikanjekan punika film kapertama sané kasarengin ngamolihang jayanti maka silih tunggil pemeran utama wanita terbaik FFI warsa 2008. Film Under The Tree ngranjing ring bacakan internasional film festival ring Tokyo.

Sane mangkin Ayu ngarasayang panglelanannyane saking panggung ka panggung ngamolihang paplajahan utama. Dané mawali ngamedalang album solo sané mamurda "Svara Semesta". Ring albumne puniki madué rasa matiosan ring album saderengnyane. Ring album Svara semesta Ayu Laksmi nagingin antuk genre World Musik, taler madasar antuk unteng pawongan, palemahan miwah parahyangan, sasuratan-sasuratan saking gendingan Ayu Laksmi ring album Svara Semesta kasurat ring limang basa inggih punika: Sanskrit, Kawi, Bali, Indonésia, Inggris. Ring albumnyane puniki Ayu sapisanan dados produser, pangawi lagu, taler ngeraga ngaryanin laras dasar gendingan ring pangawit ngawi gendingan.

Ri kala ngarap albumnyane punika, Ayu maprakanti sareng Eko Wicaksono, musik director miwah arranger wikan sané meneng ring Bali. inggihan makudang arranger sané sareng ngaremba gending-gendingannyane inggih punika Bujana. Ayu taler nyarengin arranger dura Bali, Peter Brambl miwah Robert Webber. Taler kari akeh sané sareng nuku miwah penyanyi sané sareng ngaremba ring albumnyane puniki. Ayu Laksmi taler ngaraketang sekaa sastrawan sané mawit saking Bali sekadi Cok Sawitri, Sugi Lanus, miwah sané siosan. Ring warsa sané pateh Ayu Laksmi ngawangun sekaa band sané kawastanin Svara Semesta, sané mangkin Svara Semests nenten ja wantah wastan album Ayu Laksmi manten, nanging sampun ngalimbak maka silih tunggil sekaa seni ring Bali, sané kawangun antuk: musik, tari, sastra, teater, photografi, videographer, film video maker, miwah spiritualis.

Ayu Laksmi setata mikelingin para seniman truna mangda setata mautsaha 10 persen bakat, 90 persen kerja keras basa liannyane nenten akeh ngamerluang bakat, sané mabuat wantah nenten surud mautsaha, nenten obah miwah pagehang utsahane. Saha nenten marma nyihnanyang sané matiosan.

Pilmograpi

Pilem
Warsa	Murda	Peran	Umah Produksi	Sutradara	Cutetan
2008	Under the Tree	Dewi	Credo Pictures & SET Film Workshop	Garin Nugroho
2012	Ngurah Rai	Ibunda Ngurah Rai
2013	Soekarno	Ida Ayu Nyoman Rai	MVP Pictures, Mahaka Pictures & Dapur Film	Hanung Bramantyo
2018	Sekala Niskala	Ibu Tantra & Tantri	Fourcolours Films & Treewater Production	Kamila Andini
	Pengabdi Setan	Ibu	Rapi Films, CJ Entertainment & Paramount Pictures	Joko Anwar
2019	Bumi Manusia	Ibunda Minke	Falcon Pictures	Hanung Bramantyo
2021	Buya Hamka	Andung	Falcon Pictures & Starvision Plus	Fajar Bustomi
	A Perfect Fit			Hadrah Daeng Ratu

Diskografi

Album

• Tak Selalu Gemilang (1988)
• Istana yang Hilang (1991)
• Svara Semesta (2011)
• Svara Semesta 2 (2015)

Penghargaan

Warsa	Penghargaan	Kategori	Karya sané kanominasi	Hasil
2005		Duta Lingkungan Hidup Bali	Ayu Laksmi	Jayanti
2008	Festival Film Indonésia 2008	Pemeran Utama Wanita Terbaik	Under The Tree	Nominasi
2009	Indonésian Film Critics Society	Breakthrough Actress		Jayanti
2012	Anugerah Musik Indonésia	Graphic Design Terbaik	Svara Semesta	Nominasi
	Majalah Tempo	20 Album Terbaik		Jayanti
2015	Gema Perdamaian	Duta Perdamaian Bali	Ayu Laksmi
2016	Anugerah Musik Indonésia	Mixing Terbaik	Svara Semesta 2	Nominasi
2017	Google Indonésia	Year in Search	Ayu Laksmi	Jayanti
	Festival Film Tempo	Pemeran Pendukung Wanita Terpilih	Pengabdi Setan
	Piala Maya	Pemeran Pendukung Wanita Terbaik		Nominasi
2018	Indonésian Box Office Movie Awards			Jayanti
	Festival Film Indonésia		Sekala Niskala	Nominasi
	Piala Maya
	Indonésian Movie Actors Awards
	Malaysia International Film Festival	Best Supporting Actress
	Indonésian Television Awards	Artis Terpopuler	Ayu Laksmi
2019	Festival Film Indonésia	Pemeran Pendukung Wanita Terbaik	Bumi Manusia

Pustaka

Pranala jaba

• Ayu Laksmi ring Instagram