Apem
Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Jaja apem inggih punika silih tunggil sanganan sané wénten ring Bali. Jaja apem malakar aji tepung baas, tepung terigu, gula, ragi, pengembang kué, yéh, don pandan, tapé ketan putih, miwah pewarna makanan. Ketahnyané jaja apem mawarna pink miwah putih. Tata cara ri tatkala jagi ngaryanin jaja apem inggih punika sané kapertama gula, yéh miwah don pandan kalablab ngantos gulané larut. Selanturnyané, tepung baas, tepung terigu, tapé ketan miwah yéh gula kacampur dados siki. Yéning adonannyané sampun kalis, kacampur ragi miwah pengembang kué. Lantas adonan punika didiamkan kantos mengembang. Yéning adonan sampun mengembang, adonan punika kakepah dados kalih tur kaisinin pewarna makanan. Adonan punika kawadahin antuk cétakan roti kukus tur kakukus salami limolas menit kantos lebeng. Jaja apem sané sampun lebeng sampun dados kaajeng. Tiosan dados sanganan, jaja apem prasida kaanggén sarana babantenan. Jaja apem makéh kaadol ring pasar tradisional.[1]
 Jaja Apem | |
| Tipé | Jaja |
|---|---|
| Mawit saking | Indonésia |
| Wawengkon utawi wewidangan | Bali |
| Suhu penyajian | anget |
| Lakaran utama | gula, yéh miwah don pandan |
| Lakaran sané ketah kaanggén | tepung baas, tepung terigu, tapé ketan miwah yéh gula |
