Warak Sumatra
Warak Sumatra, wénten sané nikayang warak mabulu utawi warak macula kalih Asia (Dicerorhinus sumatrensis), punika silih tunggil kaluwarga Rhinocerotidae sané harang miwah satunggal saking limanh spésiés warak sané kantun wénten. Ipun manados satunggal Takson sané kantun wénten saking génus Dicerorhinus. Dados warak pinih alit, ageng nyané 112–145 cm, antuk ageng tendas miwah awak nyané 2.36–3.18 m miwah ikut nyané 35–70 cm. Bobot nyané kirang langkung 500 to 1,000 kg, rerata 700–800 kg, asapunika wénten spésimen kacutet ngantos 2,000 kg. Sekadi kelalih spésiés Afrika, iya ngelah kalih cula; sané langkung ageng punika cula cunguh, ketah 15–25 cm, menawi cula tiosan ketah nyané marupa cula mumbul. Bulu soklat mesawang barak minutupin akéh raga warak sumatra.
Duk sané lintang warak puniki wénten ring wana hujan, rawa, miwah wana ambubu ring India, Bhutan, Bangladesh, Myanmar, Laos, Thailand, Malaysia, Indonésia, miwah Cina. Ring babad, dané wénten ring kelod kauh Cina, kusus nyané ring Sichuan.[1][2] Warak puniki mangkin sanget kaancam ical, antuk wantah lima populasi ageng ring palemahan liar: papat ring Sumatra miwah saatunggal ring Kalimantan. Akéh nyané meweh katentuang mawinan dané beburon soliter sané kasebar jimbar ring sajebag wewengkon jelajah ipun, menawi akéh nyané kacawang kirang saking 100.[3][4] Spésiés puniki sampun ical saking Malaysia warsa 2019, miwah satunggal populasi Sumatera kacawang sampun ical. Ring warsa 2015, para patetilik nikayang Warak Kalimantan sampun ical ring kepahan kalér Kalimantan (Sabah, Malaysia);[5] menawi, populasi malih katemu ring Kalimantan Timur ring pemahbah warsa 2016.[6]
Pustaka
uah- ↑ Chapman, Jan (1999) The Art of Rhinoceros Horn Carving in China. Christie's Books, London. ISBN 0-903432-57-9. p. 27
- ↑ Schafer, Edward H. (1963) The Golden Peaches of Samarkand: A study of T'ang Exotics. University of California Press. Berkeley and Los Angeles. p. 83
- ↑ "Rhino population figures". SaveTheRhino.org. 2015. Kaaksés 16 May 2015.
- ↑ Pusparini, W. et al. (2015) Correction: Rhinos in the Parks: An Island-Wide Survey of the Last Wild Population of the Sumatran Rhinoceros. PLOS ONE 10(10): e0139982.
- ↑ Havmøller, R.G. et al. (2015) Will current conservation responses save the Critically Endangered Sumatran rhinoceros Dicerorhinus sumatrensis? Oryx, 50(2):355–359.
- ↑ "15 Bornean rhinos discovered in Kalimantan?". Mongabay. 14 March 2016. Kaaksés 3 July 2016.