Umah Sasadu

Umah Sasadu inggih punika umah adat saking suku Sahu ring Halmahera Barat, suku bangsa asli miwah pilih tua sane wenten ring wawidangan punika. Ring umah puniki krama adat Sahu ketah mapupul sajeroning paparuman. Ring Halmahera Barat, umah puniki ketah kapanggih ring desa-desa. Umah Sasadu pinaka genah paparuman mapaiketan ring nglaksanayang akeh acara, minakadi upacara adat perayaan, pemilihan ketua adat, miwah nyanggra tamiu sane rauh. Tiosan punika, Umah Sadudu taler kanggen genah masandekan yadiastun nenten wenten acara khusus. Manut etimologi, Sasadu wit saking kruna sadu sane ring basa Sahu nenten madue arti, sakewanten ring basa Ternate artosnyane inggih punika menimba, sado maartos jangkep, genep wilangannyane. Sasadu kawangun ring tengahing desa antuk genah sane nenten doh. Puniki matatujon mangda dangan anake sane jagi rauh mapupul ka Umah Sasadu puniki.