Umah Rakit

Umah Rakit inggih punika umah adat saking Provinsi Sumatera Selatan. Umah Rakit inggih punika silih tunggil umah sane pinih tua ring Provinsi Sumatera Selatan, sane sampun wenten saking jaman Kerajaan Sriwijaya.Umah Rakit kawangun ring duur rakit miwah ngambang ring sisin tukad Musi, tukad Ogan, miwah tukad Komering. Mangda nenten anyud, Umah Rakit kaiket ring serdang utawi penambat. ^[1]^[2]

Kawigunan

Umah Rakit mawiguna dados genah meneng, sakewanten tiosan punika Umah Rakit taler pinaka penginapan, gudang, miwah genah madolan. Jadma China sane ketahnyane madue swagina pinaka dagang akeh nganggen Umah Rakit pinaka sarana madagang. Tiosan punika, Umah Rakit kanggen taler pinaka sarana transportasi antuk sane nuenin, duaning dangan pindah saking genah siki ka genah sane tiosan. Wusan Kesultanan Palembang kakasorang olih Belanda, akeh para pendatang sane witnyane meneng ring Umah Rakit sampun pindah ngwangun umah ring dataran. ^[1]

Pinda

Umah Rakit madue pinda persegi panjangg, umah puniki kawangun ring duur susunan balok kayu utawi tiing, miwah bataran umah kakaryanin antuk papan. Mangda bataranne tetep tuh, ring duur balok kayu madaging papan sane marerod. Mangda umah prasida ngambang, ring teben kadagingin antuk lanting. Lanting inggih punika pupulan carang tiing sane kaiket dados siki, a lanting madaging 100 tiing. Umah sane ukurannyane 9 x 12 meter perlu 7 lanting. Mangda wangunan Umah Rakit nenten pindah-pindah, makapatpat bucunnyane kapasang tiang sane kokoh. Wangunan kaiket antuk tali rotan. Raab Umah Rakit mapinda pelana antuk nganggen bahan don nipah, ambengan sane kaiket antuk tali rotan. ^[3]^[4]

Pahan Umah

Umah Rakit kakepah dados kalih genah. Genah ring ajeng kanggen genah nyanggra tamiiu miwah parikarama sarahina. Genah ring ungkur mawiguna pinaka pasirepan. Yening wenten pawaregan ring siki wangunan, pawaregan punika magenah ring sisi pasirepan. Sakewanten wenten taler sane makarya pawaregan sane kapasahang. Jelanan ring Umah Rakit ketahnyane wenten kalih, siki majeng ka tukade, siki majeng ka darat. Jendelanyane, ketah magenah ring sisi kanan miwah sisi kiri jelanan umah. Riang ajeng umah wenten titi pangubung sane marupa akeping papan utawi rangkepan tiing. Umah Rakit nenten madue iasan, sakewanten ring Umah Rakit sane modern kaias antuk ukiran timbul khas Palembang sane mawarna barak ati miwah warna emas. ^[5]

Pustaka

↑ ^1,0 ^1,1 Redaksi 1000guru (2017-04-11). "Rumah Rakit: Sejarah dan Eksistensinya". Majalah 1000guru (ring Inggris). Kaaksés 2023-02-15.
↑ "All about Palembang Tourism Destination". web.archive.org. 2019-04-03. Kaarsipin saking versi asli tanggal 2019-04-03. Kaaksés 2023-02-15.
↑ "Warisan Budaya Takbenda | Beranda". warisanbudaya.kemdikbud.go.id. Kaarsipin saking versi asli tanggal 2022-11-28. Kaaksés 2023-02-15.
↑ "Rumah Adat Rakit Palembang » Budaya Indonesia". budaya-indonesia.org. Kaaksés 2023-02-15.
↑ 0543033030, ICAN ZALIKA (2010-02-14). "RUMAH BARI DALAM KEHIDUPAN MASYARAKAT ADAT PALEMBANG (SUMATERA SELATAN)". Digital Library.CS1 maint: numeric names: authors list (link)

[:0-1] 1,0 ^1,1 Redaksi 1000guru (2017-04-11). "Rumah Rakit: Sejarah dan Eksistensinya". Majalah 1000guru (ring Inggris). Kaaksés 2023-02-15.

[2] "All about Palembang Tourism Destination". web.archive.org. 2019-04-03. Kaarsipin saking versi asli tanggal 2019-04-03. Kaaksés 2023-02-15.

[3] "Warisan Budaya Takbenda | Beranda". warisanbudaya.kemdikbud.go.id. Kaarsipin saking versi asli tanggal 2022-11-28. Kaaksés 2023-02-15.

[4] "Rumah Adat Rakit Palembang » Budaya Indonesia". budaya-indonesia.org. Kaaksés 2023-02-15.

[5] 0543033030, ICAN ZALIKA (2010-02-14). "RUMAH BARI DALAM KEHIDUPAN MASYARAKAT ADAT PALEMBANG (SUMATERA SELATAN)". Digital Library.CS1 maint: numeric names: authors list (link)

[1]

[2]

[3]

[4]

[5]