Umah Lamin
Umah Lamin inggih punika umah adat suku Dayak saking etnis Benuaq ring Kalimantan Timur. Umah Lamin madue panjang sekitar 300 meter, lebar 15 meter, miwah tegehnyane kirang langkung lebih 3 meter.[1] Umah Lamin taler ketah kauningin pinaka umah panggung sane panjang sambung manyambung. Umah puniki prasida kadagingin antuk kulawarga ageng duaning ukuran umahe puniki jimbar. Silih tunggil Umah Lamin sane wenten ring Kalimantan Timur wenten sane kadagingin antuk 12 kanto 30 kulawarga. Umah Lamin prasida nampung akehnyane kirang langkung 100 jadma.[2] Ring warsa 1967, Umah Lamin karesmiang olih pamerintah Indonesia.
Caciren
uahUmah Lamin madue makudang-kudang ciri khas minakadi ring awak umah puniki madaging ukir-ukiran utawi gambar sane madue makna manut parajana suku Dayak ring Kalimantan Timur. Silih tunggil kawigunan ukir-ukiran utawi gambar ring awak Umah Lamin inggih punika nyaga kulawarga saking baya minakadi ilmu hitam. Umah Lamin taler madua warna sane khas kanggen ngiasin umah inggih punika warna kuning miwah selem, sakewanten nenten warna punika kemanten sane kanggen. Saluir warna sane kanggen ngiasin umah punika madue arti. Warna kuning pinaka lambang kawibawan, warna barak pinaka lambang kawanenan, warna pelung pinaka lambang satya, miwah warna putih pinaka lambang jiwa sane suci. [3]
Umah Lamin kakaryanin saking kayu. Kayu sane kanggen inggih punika kayu ulin. Kayu puniki ketah kauningin olih parajana ring suku Dayak antuk kayu besi. Kocap, yening kayu ulin keni toya kayu puniki jagi sayan keras. Puniki kabutiang antuk laminyane tuuh Umah Lamin sane kakaryanin antuk kayu ulin. Sakewanten wenten akeh pakewuh ngamolihang kayu ulin ring wana.
Ring natar Umah Lamin puniki ketah kadagingin antuk pratima utawi totem. Totem inggih punika dewa-dewa sane kaprecaya oli parajana ring suku Dayak nyaga umah saking baya.
Pahan Umah
uahUmah Lamin kakepah dados tiga inggih punika pawaregan, pasirepan, miwah ruang tamu. Pasirepan anak lanang miwah anak istri mabinayan sajaba sampun mamiwaha. [2] Ruang tamu ketah kanggen nyanggra tamiu taler kanggen genah ngamargiang paparuman adat. Ring sisi Umah Lamin wenten undagan sane kanggen ngranjing ka tengah Umah Lamin. Ring teben umah puniki ketah kanggen genah maubuhan.
Pustaka
uah- ↑ "Kebudayaan Indonesia". web.archive.org. 2014-05-17. Kaarsipin saking versi asli tanggal 2014-05-17. Kaaksés 2023-02-13.
- ↑ 2,0 2,1 "Rumah Lamin". Achmad Faishal Ramadhan (ring Indonesia). 2009-12-19. Kaaksés 2023-02-13.
- ↑ "Rumah Lamin, Rumah Adat Dayak". architect-news nusantara (ring Inggris). 2009-08-09. Kaaksés 2023-02-13.