Umah Jew
Umah Jew inggih punika silih tunggil umah adat saking Suku Asmat ane pamekasnyane magenah ring ibu kota Provinsi Papua inggih punika Agats. Umah Jew puniki madue makudang-kudang wasta sane tiosan minakadi Je, Jeu, Yeu, miwah Yai. [1]
Caciren uah
Umah Jew madue makudang-kudang caciren inggih punika Umah Jew kawangun antuk nganggen kayu besi sane kuat miwah prasida nahan toya pamekasnyane toya segara duaning Umah Jew puniki magenah ring sisi segara miwah ring rawa-rawa.[2] Akehnyane jelanan ring Umah Jew pateh minakadi akehnyane tungku api miwah patung Mbis utawi patung leluhur Asmat sane nyihnayang akehnyane kulawarga utawi Tysem ring suku Asmat sane meneng ring wawidangan Umah Jew punika. [3] Tiosan punika, wenten taler caciren Umah Jew sane tiosan minakadi puniki. Jimbar wangunan Umah Jew inggih punika 10 x 15 meter, taler wenten sane ukurannyane 30-60 meter antuk lebarnyane 10 meter. Wenten kalih jelanan sane magenah ring ajeng miwah ungkur umah. Raab umah kakaryanin antuk ulatan don nipah utawi don sagu. Tiang penyangga kakaryanin antuk kayu besi sane tegehnyane kirang langkung 2,5 meter[4] miwah kaukir antuk motif ukiran suku Asmat. Bataran Umah Jew ketah kakaryanin antuk bahan sane pateh minakadi bahan raab inggih punika antuk don sagu. Tembok umah kakaryanin antuk carang sagu sane maulat miwah kaiket antuk akah rotan. Tembok, raab, miwah batarannyane satata kagentosin nyambran 5 warsa. Umah Jew ketahnyane kawangun ring wawidangan umah-umah kulawarga alit sane ketah kabaos Cem utawi Tysem.
Kawigunan uah
Pinaka umah sane kasakralang olih Suku Asmat, Umah Jew taler kanggen genah meneng para anak lanang sane durung marabian utawi kantun teruna, taler kanggen pinaka genah ngamargiang papruman nganinin indik kahuripan, pikobet, ngrencanayang pesta adat, parum adat, perdamaian, perang, taler ngamargiang upacara-upacara adat. Tiosan punika Umah Jew taler kanggen genah nyimpen ukir-ukiran sane magamabar leluhur. Taler dumun, Rumah Jew naenan kanggen pinaka genah tengkorak-tengkorak, wuramon utawi jukungan roh, panganggen roh utawi ifi/yipawer, kantung Noken, tombak perang, perisai-perisai kepala perang, tifa Suku Asmat, miwah benda-benda sakral sane tiosan. Noken inggih punika kantong sante kakaryanin antuk ulatan serat punyan-punyan mawiguna pinaka tas sane kanggen ring kanta. Kocap, manut Suku Asmat noken kaprecaya prasida nyembuhang saluir pinungkan antuk aturan miwah syarat mangda sane sungkan punika gelis kenak. Kawigunan tiosan ring Umah Jew inggih punika pinaka Balai Desa miwah pinaka genah nyanggra tamiu.[4]
Pustaka uah
- ↑ "Asmat, Rumah Je, dan Arsitek Indonesia – itchcreature" (ring Inggris). Kaarsipin saking versi asli tanggal 2023-02-17. Kaaksés 2023-02-17.
- ↑ "PemudaFm.com is for sale". HugeDomains (ring Inggris). Kaaksés 2023-02-17.
- ↑ Admin. "Rumah Bujang, Jati Diri Asmat | JERAT PAPUA" (ring Indonesia). Kaarsipin saking versi asli tanggal 2023-06-05. Kaaksés 2023-02-17.
- ↑ 4,0 4,1 "Jew, Rumah Bujang Suku Asmat". Indonesia Kaya. Kaaksés 2023-02-17.