Uma Wali

Uma Wali inggih punika sekaa sané kawentuk olih Komunitas Tabanan Lovers ring warsa kirang langkung 2013. Uma Wali mateges mawali ka umah, sané tetujonné ngajegang budaya utamanyané indik budaya subak. Sasampun mamargi tur nyingak kahanan carik Tabanan antuk pikobet hama bikul pamuput kawentuk konservasi clepuk.

Silih tunggil komunitas Uma Wali ring Tabanan.

Lelintihan

Ida sareng mitrané I Madé Jonita mangkin sampun madué 12 ikuh clepuk soroh tyto alba. Pangawit ida ngamolihang clepuk saking Kantor Kepala Desa Pandak Badung, Kecamatan Kediri, Tabanan. Ida ngamolihang aukud clepuk sane batisné matatu keni tali layangan antuk yusa kalih bulan. Mangkin konservasi miwah panglimbak ring Banjar Pagi, Desa/Kecamatan Penebel, Tabanan.

Konservasi Clepuk

Pikobet sané karasayang indik prabéa ngaryanin umah clepuk (rubuha). Program konservasi clepuk niki wateknyané swadaya, mewéh ring pakaryan rubuha. Makudang galah lintang naen kawantu sisya ngadegan tigang rubuha ring Banjar Pagi. Ida mapangapti mangda petani prasida ngadegan rubuha akidikné siki umah clepuk asubak. Ring awengi clepuk prasida ngamah ngantos tigang ikuh bikul. Yéning aktif makeber, rata-raya prasida ngematiang kutus ikuh bikul. Sekaa ring konservasi marencana abulan benjang nglepas kalih ngantos tetiga clepuk ka alas.