Tiranosaurus

Tiranosaurus inggih punika soroh dinosaurus teropoda sané ngranjing ring klad Coelurosauria. Spésiés Tyrannosaurus rex ketah kawastanin T. rex utawi T-rex sané ring basa Latin maartos raja. T-rex puniki silih situnggil teropoda ageng sané pinih kasub ring kramané. Tiranosaurus urip ring benua sané mawasta Laramidia, sané ring galahé puniki mawasta Amérika Utara. Tiranosaurus langkungan kasobyahang kapining Tiranosaurus sané lianan. Fosil-fosil Tiranosaurus kacundukang ring makudang-kudang formasi géologi ring zaman kapur pungkur sawatara 68 ngantos 66 yuta warsa sané sampun lintang.[1] Tiranosaurus dados silih situnggul dinosaurus nénten kedis pinih ungkur sadurung wénten peristiwa kaicalan Kapur-Paleogen. T-rex puniki soroh karnivora bipedal sané madué tengkorang ageng sané kaseimbangang olih ikuhnyané sané baat miwah dawa. Tiranosaurus madué tungkai pungkur sané kuat tur ageng, tungkai ring sornyané éndép tur madué kali jeriji. Spésimén Tiranosaurus sané pinih jangkep madué dawa 12.3 méter, tegeh 3.66 méter, tur madué massa sawatara 8.4 ngantos 14 ton. Tiranosaurus kadadosang silih situnggil prédator sané naenin kacunduk olih manus. Ngantos ring galahé puniki wénten langkungan saking 50 spésimén Tiranosaurus rex.

PustakaSunting

  1. Hicks, J. F.; Johnson, K. R.; Obradovich, J. D.; Tauxe, L.; Clark, D. (2002). "Magnetostratigraphy and geochronology of the Hell Creek and basal Fort Union Formations of southwestern North Dakota and a recalibration of the Cretaceous–Tertiary Boundary"(PDF). Geological Society of America Special Papers. 361: 35–55. doi:10.1130/0-8137-2361-2.35. ISBN 0-8137-2361-2.