The Moon Embracing The Sun

The Moon Embracing The Sun utawi The Moon That Embraces The Sun inggih punika drama saking Koréa Selatan warsa 2012 sané kapraginain olih Kim Soo-hyun, Han Ga-in, Jung Il-woo, miwah Kim Min-seo.[1] Wenten duang dasa episode ring drama puniki tur kasiarang olih MBC mawit tanggal 4 Januari kantos 15 Maret 2012. Drama puniki prasida ngamolihang kalih penghargaan Drama Terbaik, inggih punika saking Baeksang Arts Awards (2012) sané kaping 48[2] miwah saking MBC Drama Awards (2012).[3] Carita ring drama puniki kaambil saking novel mamurda The Moon Embracing The Sun sané karipta olih Jung Eun-gwol. Sane kacritayang ring drama puniki inggih punika indik kapitresnan Raja Joseon (fiksi) sareng Pramiswari dané sané kasedayang antuk guna.[4]

The Moon Embracing The Sun
Taler kasub dados
  • The Moon Embracing the Sun
  • The Sun and the Moon
  • Moon Embracing the Sun
Genre
Madasar sakingMoon Embracing the Sun
olih Jung Eun-gwol
Kasurat olih
  • Jin Soo-wan
Sutradara olih
  • Kim Do-hoon
  • Lee Seong-jun
Aktor
Negara asliKoréa Selatan
Basa asliKoréa
No. episode20 (+2 spesial)
Produksi
ProduserOh Gyeong-hun
Pautsahaan ProdusenPan Entertainment
DistributorMunhwa Broadcasting Corporation
Rilis
Jaringan asliMBC TV
Rilis asli4 Januari 2012 (2012-1-4) –
Maret 15, 2012 (2012-03-15)
Pranala jaba
[imbc.com/broad/tv/drama/sunNmoon Situs web]

Reringkesan uah

Heo Yeon-woo sané mayusa telulas tiban kapilih dados Putri Mahkota Joseon. Putri Mahkota puniki sané pacang dados pramiswari Putra Mahkota Joseon sané mawasta Lee Hwon. Heo Yeon-woo sareng Lee Hwon saling tresna tur sampun matunangan. Makakalih nenten prasida majangkepan saantukan sadurung upacara pawiwahan, Heo Yeon-woo sungkan tur katundung. Sungkan dané punika saantukan guna saking balian mawasta Jang Nok-young sané katunden olih Ibu Suri. Putri Mahkota raris kagentosin olih Yoon Bo-kyung antuk pituduh Ibu Suri. Wusan katundung, Heo Yeon-woo sané sungkan nenten mrasidayang kenak. Heo Yeon-woo seda wusan kaicen tamba saking Jang Nok-young. Sesampunne mapendem, Heo Yeon-woo kaangkid tur katulungin malih olih Jang Nok-young, sakewanten kulawargan dané nenten wénten uning. Sami ngaden Heo Yeon-woo sampun seda. Heo Yeon-Woo prasida urip malih nanging nenten eling napi-napi. Irika raris kaduduk kaanggén pianak olih Jang Nok-young.

Kutus tiban sampun lintang, Heo Yeon-woo sané dados pianakne Jang Nok-young sampun magentos adan dados Wol. Wol kari nenten eling ring kulawarga miwah ring ragane dugas alit. Sakewanten kulawarga dané nenten prasida ngengsapang dané, punika taler Lee Hwon. Yadiastun sampun madué pramiswari inggih punika Yoon Bo-kyung, nanging Lee Hwon nenten tresna tur kari eling ring Heo Yeon-woo. Heo Yeon-woo taler katresnain olih rakanne Lee Hwon inggih punika Yang Myung. Pamuputne Lee Hwon prasida kacunduk malih sareng Heo Yeon-woo sané sampun magentos adan dados Wol. Wol taler mrasidayang dados pramiswari Lee Hwon ngentosin Yoon Bo-kyung.[5]

Pragina uah

Pragina Utama uah

Pragina Lianan uah

Pustaka uah

  1. "The Moon Embracing The Sun - AsianWiki". asianwiki.com. Kaaksés 2021-06-05.
  2. "2012 (48th) BaekSang Arts Awards - AsianWiki". asianwiki.com. Kaaksés 2021-06-05.
  3. "2012 MBC Drama Awards - AsianWiki". asianwiki.com. Kaaksés 2021-06-05.
  4. Viu (2017-06-25). "Sinopsis The Moon Embracing The Sun | VIU". www.viu.com (ring Inggris). Kaaksés 2021-06-05.
  5. "Review Sinopsis The Moon That Embraces The Sun Episode 1-20 Tamat". Wekepo.com (ring Inggris). 2019-10-27. Kaarsipin saking versi asli tanggal 2021-06-05. Kaaksés 2021-06-05.