Terusan Panama
Terusan Panama (Script error: The function "langx" does not exist.; Script error: The function "langx" does not exist.) inggih punika satunggil margi toya gaénan sané lantangné 82-kilométer (51-mil) ring Panama sané ngahubungang Samudra Atlantik sareng Samudra Pasifik, ngentasin Ceking Panama, lan pinaka saluran antuk paadolan maritim. Sereg ring sawilang muncukné munggahang jukung nuju Danu Gatun, satunggil bendungan toya ening 26 méter (85 ft) ring duur pamukaan segara, kakaryanin antuk nimbeng Tukad Chagres lan Danu Alajuela antuk mangirangin akéh pakaryan pangedukan sané kaperluang antuk terusan. Sereg selanturné nedunang jukung ring muncuk liyanan. Rerata 200,000,000 L (52,000,000 US gal) toya kaanggén rkng acepok pamargian jukung. Terusan punika kaancem olih éndépné tingkat toya selami masan panes.
Tempongan Terusan Panama banget ngirangin galah kapal-kapal sané malayar ring pantaraning samudra Atlantik lan Pasifik, ngawinang ipun prasida ngelidin rute sané dawa lan mabaya ring sawewengkon tanggu kelod Amérika Kelod nglintangin Palintasan Drake, Selat Magellan utawi Selat Beagle. Puniki silih tunggil proyek rékayasa sané pinih ageng miwah pinih méweh sané naenin kamargiang.