Tari Yapong
Tari Yapong inggih punika sesolahan Betawi, maasal saking Jakarta, Indonésia. Sesolahan puniki ngambarang kekanténan yowana sané karipta olih seniman Bagong Kussudiardja. Tari Yapong kapertama kasolahang antuk acara HUT ke-450 Jakarta ring warsa 1977.[1][2]
 Sasolahan Tari Yapong | |
| Instrumen | Rebana, Gamelan |
|---|---|
| Penemu | Betawi |
| Saking | Indonésia |
Lelintihan uah
Tari Yapong kapertama kasolahang antuk nyanggra dirgahayu kota Jakarta kaping 450 ring warsa 1977. Daweg nika, Dinas Kebudayaan DKI mataki-taki antuk sesolahan massal maplaran saking carita perjuangan Rajaputra Jayakarta. Pamentasan marupa sendratari kaserahang majeng Bagong Kussudiarjo antuk mingaturin acaraa, antuk mataki-taki ring pamentasan punika, Bagong ngamargiang panilikan makudang sasih majeng kauripan wong Betawi. Bagong ngamargiang panilikan puniki saking perpustakaan, flim, slide miwah panyingakan langsung majeng wong Betawi. Sapunika ngasilang sasolahan sané puput kasolahang ring tanggal 20 miwah 21 Juni 1977 ring Senayan Convention Center, Jakarta, sesolahan punika kawantu olih 300 artis miwah musisi.
Sasolahan puniki ring rasa seneng nganggén gerakan sané dinamis miwah ngulangunin. Ring gerakan tari Yapong, rasa seneng katampilang krana nyanggra karauhan Rajaputra Jayakarta. Paindikan punika maparinama Yapong miwah nénten maartos napi. Paistilah punika maasal saking tembang maswara ya, ya, ya sané katembangang olih panembang pangiring mwiah swara musik sané maswara pong, pong, pong, sapunika embas ipun “ya-pong” sané nyansan suwé dados yapong.[3][4]
Rupa miwah gerak uah
Pola panganggé sané kakenaang olih para pragina pinaka pengembangan saking panganggé tari topéng Betawi. Paindikan punika prasida kacingak saking rupa miwah gelung taler kampuh sané aanggén ring dada, sané kasengguh ”toka-toka”. Tari Yapong maaled saking sasolahan krama Betawi, salanturné kacampuh sareng tari pop, rumasuk unsur tari Sumatera. Krana budaya Betawi dahat kapingaruhin olih budaya Cina, Tari Yapong taler polih unsur seni cina, minakadi ring kain sané kaanggén para pragina polih gegambaran naga sané mawarna bang nyentak sané maciri saking budaya Cina.
Piranti musik sané kaanggén ring sesolahan puniki campuhan Betawi, Jawa, miwah Sunda. Sesampun sasolahan puniki dados sesolahan ngeléb, akéh ring Jakarta nganggén makudang piranti musik tradisional, minakadi Rebana Biang, Rebana Hadroh, miwah Rebana Ketimpring.[5]
Pustaka uah
- ↑ Media, Kompas Cyber (2021-03-04). "Tari Yapong, Tarian Tradisional DKI Jakarta Halaman all". KOMPAS.com (ring Indonesia). Kaaksés 2023-03-03.
- ↑ "Tari Yapong". Tribunnewswiki.com (ring Indonesia). Kaaksés 2023-03-03.
- ↑ "Tari Yapong Persembahan untuk Jakarta". Indonesia Kaya. Kaaksés 2023-03-03.
- ↑ Museumnusantara, Media (2022-08-08). "Tari Yapong: Asal, Sejarah, Pola Lantai, dan Penciptanya". Museum Nusantara - Info Wisata Sejarah Indonesia (ring Indonesia). Kaaksés 2023-03-03.
- ↑ "Tari Yapong - Asal, Sejarah, Akulturasi Budaya, Gerakan, Fungsi, Keunikan & Pola Lantai". RimbaKita.com (ring Indonesia). 2023-03-01. Kaaksés 2023-03-03.