Tari Topeng Kuncaran
Tari Topeng Kuncaran inggih punika seni tari tradisional saking wawidangan Sunda, Jawa Barat sane kasolahang olih para pragina nganggen topeng ring prarainyane. Mapaiketan sareng tari topeng Cirebon, Kuncaran taler madue soroh miwah akeh topeng sane pinaka lambang karakter jadma. [1]
Lelintihan uah
Tari Topeng Kuncaran sujatinnyane pinaka panglimbak saking tari topeng saking Jakarta sakewanten kalimbakang manut adat miwah nilai tradisional krama Sunda. Carita ring ungkur pangriptan sasolahan puniki nganinin indik tresna raja sane katulak olih anak istri nyantos sang raja krodha. Kantos mangkin tari Topeng Kuncaran puniki kantun kasolahang kantos ka mancanegararing acara budaya, pagelaran utawi acara resmi sane tiosan. Rumasuk taler pesta rakyat miwah hajatan pribadi. [1]
Properti uah
Topeng uah
Properti sane kanggen sajeroning nyolahang tarian puniki utamannyane inggih punika topeng. Ketahnyane topeng sane kanggen kakaryanin saking bahan kayu miwah sampun kawarnain. [2]
Wenten limang soroh topeng minakadi ring sor puniki.[3]
Topeng Panji uah
Topeng Panji inggih punika soroh topeng sane mawarna putih madue makna kesucian minakadi anak alit sane wawu embas.
Topeng Samba uah
Topeng Samba inggih punika topeng sane mawarna putih, karakternyane ceria miwah lincah minakadi anak sane durung kelih.
Topeng Rumyang uah
Topeng Rumyang inggih punika soroh topeng sane mawarna barak nguda pinaka lambang anak anom.
Topeng Pating utawi Tumenggung uah
Topeng Patih inggih punika topeng sane madue cerawispinaka lambang anak anom, sakewanten baosnyane teges.
Topeng Kelana uah
Topeng Kelana inggih punika soroh topeng sane mawarna barak antuk panyingakan sane nelik nyihnayang anak sedeng krodha.
Tiosan ring topeng, wenten makudang-kudang properti tiosan minakadi ring sor puniki.
Keris uah
Silih tunggil properti wajib sajeroning seni Tari Topeng Kuncaran inggih punika keris. Keris sane kanggen puniki nganutin karakter miwah peran praginannyane.
Mahkota uah
Pateh minakadi keris, properti aksesoris mahkota puniki nganutin karakter miwah peran praginannyane.
Gelang miwah Anting uah
Properti wajib tiosan nggih punika gelang. Gelang puniki kanggen ring tangan miwah cokor pragina. Pragina Tari Topeng Kuncaran taler nganggen aksesoris anting.
Alat Musik uah
Properti utama miwah wajib sane patut wenten ring Tari Topeng Kuncaran inggih punika alat musik tradisional. Ketahnyane sasolahan puniki kairing antuk alat musik gamelan, minakadi gong, bonang, saron, miwah sane tiosan.
Busana uah
Para pragina nganggen baju taler celana sane tegehnyane ajejengku antuk motif miwah warna sane cerah. Para pragina taler nganggen senteng sane kaiket ring kanta miwah sabuk sane nganutin warnan busanannyane.[2]
Pustaka uah
- ↑ 1,0 1,1 FITRI (2023-03-02). "Tari Topeng Kuncaran : Sejarah, Properti, Gerakan dan Pola Lantai". RomaDecade (ring Indonesia). Kaaksés 2023-03-06.
- ↑ 2,0 2,1 Media, Kompas Cyber (2021-04-29). "Tari Topeng Kuncaran dari Jawa Barat". KOMPAS.com (ring Indonesia). Kaaksés 2023-03-06.
- ↑ "Tari Topeng Kuncaran : Sejarah, Properti, Gerakan dan Pola Lantai – Blog Ilmu Pengetahuan" (ring Inggris). Kaaksés 2023-03-06.