Tari Tanggai
Tari Tanggai inggih punika silih tunggil sasolahan kanggen nyambrama tamiu sane nglimbak ring Palembang, Sumatera Selatan. Tari Tanggai miwah Tari Gending Sriwijaya pateh pinaka sasolahan panyambrama tamiu. Binannyane, Tari Gending Sriwijaya pinaka sasolahan panyambrama tamiu mapaiketan Propinsi Sumatera Selatan, sakewanten Tari Tunggai karipta pinaka panyambrama tamiu sane mapaiketan ring acara pawiwahan miwah tamiu-tamiu sane rauh ka Kota Palembang. [1]
Lelintihan uah
Ring abad ka-5 Masehi, Tari Tanggai pinaka taripersembahan majeng Dewa Siwa antuk makta sesajen sane madaging buah miwah bunga. Dumun, Tari Tanggai matatujon pinaka tari persembahan pangenter sesajen kantos kabaos tarian sane sakral. Wastan Tari Tanggai wit saking piranti utawi properti minakadi kuku sane kakaryanin antuk lempengan tembaga kanggen pragina inggih punika tunggai ring kutu jeriji sang pragina sajaba inan jeriji. Pragina Tari Tanggai patut madue jeriji sane lentik ritatkala nganggen tanggai.
Tari Tanggai Palembang taler madue kesamaan sareng sasolahan sane wenten ring Panegara Cina.[1][2] Indike puniki duaning dumun wenten kerajaan ageng sane kawangun olih keturunan Raja Syilendra magama Budha miwah antuk nenten langsung kajahang pinaka tari persembahan majeng dewa.
Ring abad ka-17, Kesultanan Palembang Darussalam nenten nadosang para anak istri masolah, kantos makasami kasolahang antuk anak lanang, rumasuk Tari Tanggai. Raris ngranjing ka warsa 1920, Tari Tanggai kanggen ngrereh jodoh olih para panglingsir ring Palembang utawi kabaos Rasan Tuo.[1][3] Nglantur ring warsa 1965, tembang miwah Tari Gending Sriwijaya nenten dados kasolahang, kantos karipta Tari Tanggai manut Elly Rudi antuk nganggen tembang "Enam Saudara" kanggen nyambrama sapangrauh tamiu sane rauh ka Palembang.
Busana Tari Tanggai uah
Tari Tanggai kasolahang olih 5diri antuk nganggen busana khas OPalembang inggih punika Aesan Gede, minakadi kain songket, dodot, pending, kalung, sanggul malang, kembang urat utawi rampe, tajuk cempak, kembang goyang, tanggai, miwah tepak.
Sasolahan puniki pinaka papaduan gerak sane lemuh, busana khas wawidangan, kantos para pragina kacingak anggun. [1]
Makna uah
Makna saking sasolahan puniki nyihanayang krama Palembang sane ramah miwah menghormati, menghargai, taler nresnain tamiu sane rauh ka wawidangannyane. [1]
Musik Pangiring uah
Alat musik pangiring Tari Tanggai manut Elly Rudi minakadi akordion, gendang Melayu, gong, simbal, beduk, terbangan, miwah tamborin. [1]
Gerak uah
Manut Garbriella Saras Kutungga, wenten makudang-kudang gerak sajeroning Tari Tanggai inggih punika:
Gerak ulur benang uah
Gerak puniki pinaka lambang parikrama krama Kota Palembang, pamekasnyane anak istri sane manyulam miwah nenun. Dadosnyane gerakan puniki ngutamayang ring gerak tangan. [1]
Gerak tabur uah
Menabur sajeroning sasolahan puniki madue makna naburang kebaikan, berbagi ring sesamen, utawi naburang ajahan agama. [1][4]
Gerak memohon uah
Gerak memohon inggih punika gerak ritatkala jagi nunas. Nunas makasai sane becik saking Tuhan Yang Maha Esa. Krama Palembang pinaka jadma sane precaya ring tuhan, dados jadma sane setata nyerahang padewekan miwah bakti ring Tuhan. [1]
Gerak suri uah
Bersuri inggih punika nyuahang rambut. Gerakan puniki madue makna anak istri sane nyaga kehormatan padewekan. Gerakan-gerakan mapayas pinaka anak istri. [1]
Gerak elang terbang uah
Gerak sane nginutin tikas buron inggih punika kedis elang sane sedek makeber antuk ngebatang maka kalih kampidne. Gerak puniki pinaka lambang jadma patut setata tangkas.[1]
Gerak abstrak uah
Gerak sane nenten madue makna miwah kanggen ngajangkepin estetika. Ring Tari Tanggai, gerak abstrak minakadi gerak silang pinaka gerak pangubung, gerak rentang ritatkala ngamargiang sembah, miwah gerak keset utawi mamargi alon. [1]
Gerak kecubung uah
Gerak kecubung kasolahang antuk gerak mapiteh. Kecubung inggih punika punyan-punyan sane madue akeh kawigunan, silih tunggilnyane pinaka pengobatan. [1][4]
Gerak tafakur uah
Tafakur inggih punika renungan utawi perenungan, kamargiang ritatkala mabati ring Sang Pencipta. Tafakur inggih punika gerakan sane kambil saking tata cara mabakti ring yang Maha Kuasa. [1]
Gerak menyumping uah
Menyumping wit saking kruna cuping sane artosnyane kuping. Makna sane wenten sajeroning gerak puniki inggih punika rendah ati. Parikrama menyumping inggih punika mirengang. [1]
Gerak siguntang mahameru uah
Siguntang Mahameru inggih punika wastan bukit pinih tegeh ring Kota Palembang miwah kanggen pinaka upacara kagaman umat Budha.[1][4]
Gerak stupa uah
Gerakan puniki nyihnayang jadma kaaptiang mangda mapikayun sadurung bertindak. Indike puniki kamargiang mangda ngamolihang pikenoh majeng padewekan utawi anak tiosan. [1]
Gerak borobudur uah
Parikrama sane kamargiang mangda prasida nyempurnang utsaha miwah doa taler kaaptiang keseimbangan rasa miwah pikayun sane fokus. [1][4]
Gerak tolak bala uah
Tolak bala artosnyane nulak baya, pinungkan utawi nulak sane nenten becik ring padewekan. Dadosnyane gerakan puniki pinaka lambang perlndungan diri nedohin sane nenten becik. [1]
Pustaka uah
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 Media, Kompas Cyber (2022-09-02). "Tari Tanggai: Sejarah, Makna, Busana dan Gerakan Halaman all". KOMPAS.com (ring Indonesia). Kaaksés 2023-03-07.
- ↑ Pebriana, Dinda (2022-08-15). "Tari Tanggai: Asal Usul, Properti, Gerakan, & Baju". Museum Nusantara - Info Wisata Sejarah Indonesia (ring Indonesia). Kaaksés 2023-03-07.
- ↑ "Database Warisan Budaya Sumatera Selatan - Tari Tanggai". balitbangnovdasumsel.com. Kaaksés 2023-03-07.
- ↑ 4,0 4,1 4,2 4,3 FITRI (2023-01-03). "TARI TANGGAI : Sejarah, Properti, Asal, Gerakan dan Pola Lantai". RomaDecade (ring Indonesia). Kaaksés 2023-03-07.