Tari Soka
Tari Soka inggih punika sasolahan para kesatria. Sasolahan puniki wit saking Desa Sari, Kecamatan Sape. Sultan Bima ka 2 Abdul Khair Sirajuddin (1640-1682) ngangkat sasolahan puniki manados sasolahan resmi Istana Bima sane kasolahang olih keturunan pragina Soka ring Desa Sari, Kecamatan Sape. Tarian Soka manados sasolahan pangiring miwah pengawal ring barisan ajeng upacara ring kesultanan Bima, silih tunggilnyane inggih punika Upacara Hanta Ua Pua. [1]
Tari Soka kasolahang olih kalih prajurit antuk sanjata tombak miwah tameng. Kairingin tabuhan 2 gendang miwah sarone utawi serunai. Iringan tarian soka nenten nganggen gong, duaning ketahnyane tarian soka sering kasolahang sinambi mamargi. Busana pragina Soka mawarna barak sane pinaka lambang kegagahan miwah keberanian para prajurit kesultanan Bima ring medan perang. Sanjata toma setata ring ajeng sane nyihnayang jiwa kasatria prabela ring agama, rakyat, miwah negeri.[1] Mangkin, sasolahan puniki sampun arang kapanggihin.[2]
Pustaka
uah- ↑ 1,0 1,1 "Tari Soka - SEJARAHBIMA.COM | Mengupas Sejarah, Budaya dan Pariwisata". www.sejarahbima.com. Kaarsipin saking versi asli tanggal 2023-03-04. Kaaksés 2023-03-04.
- ↑ "Mengenal Tari Soka". Sarangge mbojo (ring Indonesia). 2013-04-01. Kaaksés 2023-03-04.