Tari Selampit Delapan
Tari Selampit Delapan inggih punika silih tunggil sasolahan tradisional saking Propinsi Jambi. Kruna "Selampit Delapan" wit saking akutus tali sane kanggen sajeroning sasolahan inucap. Sasolahan puniki pinaka sasolahan khas Propinsi Jambi sane pinih ajeng kauningayang olih M.Ceylon daweg polih amongan ring Dinas Kebudayaan Propinsi Jambi duk warsa 1970. Anak lanang sane embas ring Padang Sidempuan 7 Juli 1941 puniki madue kawagedan sane luar biasa ring widang kesenian, utamannyane ring seni tari.[1]
Pragina
uahPangawitnyane sasolahan puniki kasolahang 8 diri antuk nganggen sigin kompor sane kaiket utawi kagantung. Sakewanten mangkin sigin kompor sampun kagentosin antuk syal utawi tali marana mangda sasolahan lebih menarik. [1]
Tari Selampit Delapan matatujon ngrumaketang piketan kawula muda.[2] Duaning punika saluir gerak sasolahan nyihnayang kekompakan, keimanan, saling menghargai, miwah matikas wicaksana. Keistimewan Tari Selampit Delapan tiosan magenah ring gerakan praginannyane sane lemuh. [1]
Busana
uahBusana sane kanggen olih para pragina sane akehnyane 8 diri soang-soang nganggen busana sana warnanyane matiosan, minakadi pelung, kuning, barak, barak nguda kajangkepin antuk syal . Aneka warna inucap jagi kacingak becik mapadu antuk sarung tenun khas Jambi. Sarung tenun puniki kakaryanin saking sutra masulan emas miwah kanggen olih pragina pinaka sabuk. [1]
Gerakan
uahGerakan Tari Selampit Delapan kakawitin pragina nyongkok snimabi ngaturang salam majeng pamiarsa. Puniki kabaos salam pembuka. Wusan punika, gerakan inti kasolahang. [1]
Kapertama, syal utawi senteng jagi kambil oleh soal-soang pragina. Raris para pragina ngamargiang koordinasi tertur antuk mawentuk lingkaran, kairing gerakan mapiteh sane simetris. Senteng kaulat alon-lon nganutin para pragina mapiteh. [1]
Gerakan puniki kasolahang saka siki olih pragina. Panguntatnyane senteng inucap makilit manados siki. Senteng manados siki becik pisan, gerakan tari kalanturang antuk mukak ulatan senteng. Gerakan kasolahang persis minakadi gerakan ritatkala ngulat senteng.
Wusan punika para pragina jagi mawali ka genah melingkar. Para pragina mawali mapalalianan senteng inucap antuk gerakan sane teratur miwah kasolahang kantos puput kantos senteng punika mabukak minakadi mula. Koreografi punika sane pinaka lambang pasikian saking muda-mudi Jambi. [1]
Makna sane tiosan inggih punika sajeroning pasawitran sane harmonis patut kadasarin antuk keimanan, saling menghargai, miwah matikas wicaksana. Kekompakan sane manados nilai sajeroning kahuripan sarahina kacihnayang ring saluir gerakan sasolahan puniki. [1]
Warna miwah Makna
uahWarna-warni senteng ring Tari Selampit Delapan ngawinang sasolahan puniki kapanggih dahat becik olih para pamiarsa. Taler duaning busana para pragina sane beraneka ragam warna, miwah kapaduang antuk sabuk sane kakaryanin saking sarung tenun sutra masulan emas. Makasami kombinasi warna puniki ngawinang sasolahan manados sasolahan sane indah. [1]
Kantos mangkin Tari Selampit Delapan akeh kasolahang ring parikrama pesta, minakadi pesta adat miwah promosi budaya. Duaning punika nenten erang malih yening sasolahan puniki kauningin kantos ka akeh wawidangan. Kapaduang antuk sarung tenun khas Melayu Jambi miwah busana khas tiosan, sasolahan puniki nyihanayang kearipan lokal. [1]