Tari Manduda

Tari Manduda inggih punika silih tunggil sasolahan tradisional sane wenten ring provinsi sumatra utara pamekasnyane ring krama sane wenten ring kabupaten simalungun. Yadiastun kabupaten simalungun inucap nenten kepah manados kalih, sakemaon krama irika sampun ketah nyihnayang genahnya manados kakalih inggian punika simalungun baduuran lan simalungun betenan. ^[1]

Lelintihan

Manut ring lelintihannyane duk sane dumun, kramane ketah ngadanin genah inucap antuk Sima-Sima Nalungun sane madue artos pinaka genah sane sepi santukan duk dumunan kramane mondok madohan sane maawinan genahe inucap dumunan sepi. Tari manduda inggih punika silih tunggil sasolahan tradisional sane wenten ring provinsi sumatra utara pamekasnyane ring krama sane wenten ring kabupaten simalungun. Yadiastun kabupaten simalungun inucap nenten kepah manados kalih, sakemaon krama irika sampun ketah nyihnayang genahnya manados kakalih inggian punika simalungun baduuran lan simalungun betenan. Tari Manduda punika mawit saking ilah, inggih punika silih tunggil Doding (basa simalungun) utawi gagendingan lami sane wenten ring simalungun sane ri kala kagendingan ngangge anoban tangan para janane. Doding utawi gending Manduda mapatitis sumangdanyane trana-trunine satata suabakti ring lelangit lan bakti ring anake lingsir ri sajebag simalungun, taler gending manduda maduwe suksma antuk pasikian krama bajang kantos tua.

Kawigunan

Kawentenan sasolahan tari manduda sane wenten ring kabupaten simalungun madue kawigunan ri sajeroning pakramanan ring simalungun, tari inucap mawiguna antuk ngaturang rasa bakti lan angayubagia ri kala krama irika sawusan ngelaksanayang parikrama manyi ring sawah.

Sasolahan

Ketahnyane tarian manduda kasolahang olih pragina istri, sakemaon mangkin akeh taler para pragina lanang sareng nyolahang tarian puniki. Wenten limolas tata cara ri kalaning nyolahang tarian puniki, manut sakadi parikrama ri kala kramane manyi padi, inggih punika; 1. Mamboban omei hulosung inggih punika gerak tari sane nyihnayang makta padi ka genah manyi, 2. Manduda omei inggih punika gerak tari sane nyihnayang numbuk padi antuk gerak sang pragina bungkuk menek tuun, 3. Mangahut boras inggih punika gerak tari sane nyihnayang mengambil beras saking genah numbuk, 4. Mangeot hutoruh inggih punika gerak tari sane nyihnayang tuun, 5. Herbang hampit siamun (tengen) lan hampit siambilo (kiwa) inggih punika gerak tari sane ngayunang tangan ka samping kiwa tengen, 6. Mamiari boras inggih punika gerak tari sane nyihnayang menampi beras, 7. Memilih omei ni boras inggih punika gerak tari sane nyihnayang misahang padi manados beras, 8. Mangeot huatas inggih punika gerak tari sane menekang, 9. Manerser mamiari boras sasolahan sane geraknyane ka samping sinambi menampi beras, 10. Mamboban boras hu lopah utawi Mengangin-anginkan omei inggih punika gerak tari sane nyihnayang nganginin beras mangda kapisahang gabah padi saking beras. Wenten taler sasolahang sane nyihnayang rasa angayubagia bajang-bajang Simalungun sawusan magae, inggih punika; 11. Manortor girang-girang inggih punika gerak tari sane mangigel sinambi matepuk tangan, 12. Manerser manortor riap inggih punika gerak tari sane mapindah-pinda maka negesang rasa bagia, 13. Marhusip-husip pakon hasoman sinambi marsitandaan inggih punika gerak tari sane sane kaseringin antuk suara kasa-kisi, 14. Mangarahkon hasoman laho manortor girang inggih punika gerak tari sane mangajak pasemetonne mangigel sinarengan, 15. Riap mulak hu lanan ni inggih punika gerak tari sane nyihnayang mawali budal ka jero soang-soang antuk rasa bagia.

Pangiring

Sasolahan tarian puniki sakadi tarian sane wenten ring sumatra utara, ketah kaairingan olih musik lan gendingan sane nyihnayang rasa bagia sane maka nyuknyemayang ri sajeronin kawentenan tarian inucap sane bagia.

Pangangge

Sasolahan tarian puniki ngangge busana adat saking sumatra, pamekas busana adat simalungun sane ring bangkiang praginanyane kaiket antuk suri-suri utawi anteng.

Pustaka

↑ nurwani, Nurul Aprila Putri. "TEKNIK DAN GAYA TARI MANDUDA PADA MASYARAKAT SIMALUNGUN ATAS DAN MASYARAKAT SIMALUNGUN BAWAH". Prodi Seni Tari. line feed character in |title= at position 45 (help)

^[1]

↑ Nugrahaningsih, Ruth Hertami Dyah. "TARI MANDUDA PADA MASYARAKAT SIMALUNGUNGAYA TARI DALAM PERSPEKTIF KONTEKSTUAL". TARI MANDUDA PADA MASYARAKAT SIMALUNGUNGAYA TARI DALAM PERSPEKTIF KONTEKSTUAL.

[1] urwani, Nurul Aprila Putri. "TEKNIK DAN GAYA TARI MANDUDA PADA MASYARAKAT SIMALUNGUN ATAS DAN MASYARAKAT SIMALUNGUN BAWAH". Prodi Seni Tari. line feed character in |title= at position 45 (help)

[2] Nugrahaningsih, Ruth Hertami Dyah. "TARI MANDUDA PADA MASYARAKAT SIMALUNGUNGAYA TARI DALAM PERSPEKTIF KONTEKSTUAL". TARI MANDUDA PADA MASYARAKAT SIMALUNGUNGAYA TARI DALAM PERSPEKTIF KONTEKSTUAL.

[1]

[1]