Tari Jaipong
Jaipongan (basa Sunda: ᮏᮄᮕᮧᮍᮔ᮪), taler kauningin dados Jaipong, inggih punika tari tradisional kasub saking Wong Sunda ring Indonesia. Tari puniki karipta olih Gugum Gumbira, maplarapan saking tari tradisional Sunda Ketuk Tilu miwah agem pencak silat.
 Jaipongan Mojang Priangan | |
| Aran asli | ᮏᮄᮕᮧᮍᮔ᮪ (Sunda) Tari Jaipong (Indonésia) |
|---|---|
| Genre | Neo-Tradisional |
| Jejak waktu | Degung |
| Penemu | Wong Sunda (Gugum Gumbira) |
| Saking | Indonésia |
Lelintihan
uahSesolahan puniki sampun karipta saking warsa 1960-an, sakéwanten durung sampurna, ring warsa 1975 kalih maéstro tari Gugum Gumbira miwah maéstro kendang H. Suwanda kacunduk ring Kota Bandung, kolaborasi punika ngasilang Tari Jaipongan sekadi mangkin, salanturné para tokoh seniman liyanan ngaryanang makudang soroh Jaipongan sané maaled saking kolaborasi punika.[1][2]
Ragam gerak
uahRing Tari Jaipong wénten papat gerakan utama kaaptiang saking Wayang Golék, Tari Ketuk Tilu, miwah agem Pencak Silat, sané kamargian olih pragina nyané inggih punika mawasta gerak ‘’bukaan’’, ‘’pancungan’’, ‘’ngala’’ miwah ‘’mincit’’. Salanturne pidarta ipun luiré:[3]
- Gerak ‘’bukaan’’ inggih punika agem sané kamargiang pragina ritatkala ngawitin sesolahan utawi dados pepeson. Agem puniki kamargiang antuk cara mamargi ngiterin kalangan sambilang ngamainang umpal sané kaanggén ring kanta pragina.
- Salantruné wenten gerak ‘’pancungan’’ inggih punika soroh gerak sané kamargiang gelis sané kairingin olih tabuhan sané tegeh tus gelis.
- Sauntara gerakan ‘’ngala’’ inggih punika gerak nyedet-nyedet sané kamargiang praginané antuk témpo sané gelis.
- Sané untat punika ‘’mincit’’ inggih punika gerak pagentosan ring tari Jaipong saking ragam gerak asiki nuju ragam gerak liyanan. Gerak ‘’mincit’’ puniki kamargiang pragina sesampun gerak ‘’ngala’’.
Pustaka
uah- ↑ "Warisan Budaya Takbenda | Beranda". warisanbudaya.kemdikbud.go.id. Kaaksés 2023-02-28.
- ↑ "Sejarah Tari Jaipong: Peran Dua Seniman Besar - kumparan.com". kumparan.com. Kaaksés 2023-02-28.
- ↑ "Atraksi Tari Jaipong". jadesta.kemenparekraf.go.id. Kaaksés 2023-02-28.