Tari Indang
Tari Indang utawi Tari Dindin Badindin inggih punika silih tunggil sasolahan sane kaloktah ring Propinsi Sumatera Barat pamekasnyane ring wawidangan Pariaman, suku Minangkabau. Kruna indang ring wastan sasolahan puniki wit saking basa Minang sane maartos rebana alit. Wastan tiosan saking Tari Indang inggih punika Tari Dindin Badindin. Sasolahan puniki pinaka asil akulturasi budaya agama Islam miwah budaya lokal Minang. Kawentenan kesenian puniki kabakta olih para ulama Islam saking wawidangan Aceh ka tanah Padang Pariaman. Pangawitnyane, Tarian Indang puniki pinaka sarana nglimbakang ajahan Agama Islam ring krama Minang. Sasolahan puniki taler madue kawigunan pinaka kebutuhan rohani. [1]
Lelintihan
uahTari Indang ping ajeng kauningayang olih Syekh Burhanuddin duk abad ka-13 utawi abad ka-14. Indike puniki sajeroning nyobiahang ajahan agama Islam ring Sumatera Barat. Ring pustaka tiosan, sasolahan sane kabaos pinaka Tari Dindin Bandinding puniki sujatinnyane wit saking para pedagang Arab sane sedek malabuh ring Minangkabau. Tiosan madolan, taler matatujon nyobiahang agama Islam ring wawidangan Sumatera Barat malarapan jalur perdagangan. Ring jalur puniki kamargiang interaksi pedagang Arab miwah krama pasisi tanah Minang. Wusan punika, kabaos silih tunggil agamawan pangiring Syekh Burhanuddin sane mapesengan Rapa'I, ngawi nguningayang Tarian Indang sajeroning pestipal perayaan Tabuik ring pariaman. Pestipal puniki pinaka perayaan lokal krama sane nyeneng ring wawidangan pasisi pasih Sumatera Barat. Pestipal puniki taler matatujon mikelingin lebarnyane Imam Husein bin Ali, cucu saking Nabi Muhammad SAW. [1]
Saking punika, Tarian Indang setata kasolahang sajeroning perayaan Tabuik kantos mangkin. Pangawitnyane, Rapa'I nganggen perkusi minakadi rebana pinaka alat musik pangiringnyane. Daweg punika, sasolahan puniki kaanggep pinaka sasolahan sane sakral duaning madaging sipatuang sirah utawi kelompok anak lingsir sane madue kekuatan gaib sajeroning kelompok sasolahannyane. [1]
Kawigunan
uahSasolahan puniki madue kawigunan pinaka media dakwah para ulama sajeroning nyobiahang agama Islam. Tiosan punika, sasolahan puniki taler madue uger-uger ring pementasannyane. Wenten kalih soroh uger-uger pementasan tari, inggih punika uger-uger Indang munggah miwah tedun. Tarian Indang munggah puniki jagi kasolahang ring pangawit utawi rahina kapertama ring jam 11-12 wengi. Indang tedun kasolahang ritatkala sanja utawi nyaluk wengi sawusan solat Magrib. Sakewanten mangkin, uger-uger inucap sampun nenten kanggen malih. [1]
Sasolahan tradisional puniki nyihnayang indik krama Padang Pariaman sane pinih sadarana. Saling menghormati miwah patuh ring titah Tuhan Yang Maha Esa. Yening ring panagwitnyane, sasolahan puniki wantah pinaka media dakwah, nganutin aab jagate, kawigunan asolahan puniki manados sasolahan panglila cita. [1]
Gerakan persembahan
uahGerakan kapertama Tarian Indang kawastanin pinaka erakan persembahan. Puniki duaning ring gerakan sane kasolahang madue makna pinaka pakeling miwah penghormatan majeng anak sane madue jasa sajeroning nyobiahang agama Islam. Tiosan punika, gerakan puniki taler madue kawigunan miwah makna pinaka nunas pangampura majeng pemuka adat miwah mamak lan ninik sane sampun rauh ring pementasan inucap. Nenten lali, nunas ampura miwah penghormatan taler katujuang kelompok tari tiosan sane sampun miwah jagi masolah.
Gerakan inti nago
uahRing gerakan inti puniki wenten makudang-kudang gerakan minakadi antak siku, bago baranang, miwah alang tabang. Makna gerakan puniki pinaka cerita sane nyritayang utsaha sane kamargiang mangda ngamolihang tatujonnyane. Punika taler mapaiketan sareng perjuangan ulama miwah pendakwah sajeroning nyobiahang ajahan agama Islam ring masa sane sampun lintang. Gerak alang tabang nyritayang indik rasa bagia miwah seneng krama sawawidangan.
Gerakan penutup
uahGerakan penutup inggih punika ragam gera panguntat sane kasolahang olih pragina sadurung muputin sasolahan. Gerakan puniki nyihnayang indik nunas pangampura majeng krama tanah Minang. Tiosan punika, gerakan puniki taler pinaka simbol nunas ampura majeng para pamiarsa sane sampun miarsayang sasolahan.
Pola Lantai
uahManut pementasan sasolahan, ketahnyane sasolahan puniki kasolahang antuk nganggen pola lantai horizontal[3][4], pragina wantah ngawentenang saki pormasi utawi bajar sane beneng kemanten. Sakewanten, wenten taler sane ngwewehin pola laintai tiosan,minakadi wentuk hurup V miwah V mabading, zigzag, melingkar, kantos mapasangan kalih utawi tiga. [1]
Akeh pragina ring sasolahan Tari Indang nenten setata pateh utawi nenten kebanda antuk uger-uger. Sakewanten, ketahnyane sasolahan puniki kasolahang antuk 5 pragina kantos lebih saking 25 pragina. [1]
Duaning dumun anak istri nenten dados wenten ring anak ramia, dadosnyane sasolahan puniki wantah kasolahang antuk pragina lanang. Sakewanten mangkin, para pragina istri sampun dados nyarengin sasolahan puniki, taler masarengan antuk pragina lanang sakewanten mangda tetep nutup auratnyane. [1]
Minakadi sane sampun kauningin, saluir gerakan sasolahan puniki pinaka lambang ajahan agama Islam. Contoyane minakadi ritatkala pragina ngerakang tangannyane miwah ngerakang jeriji, kocap manut ceritanyanne gerakan inucap pinaka wentuk pujian majeng Allah SWT. [1]
Busana miwah Payasan
uahBusana sane kanggen olih para pragina istri inggih punika busana tradisional khas saking Minangkabau utawi Melayu[5]. Raris kawewehin antuk makudang-kudang aksesoris utawi payasan, minakadi baju sane goloh, celana selem sane goloh, payasan ring duur, miwah nenten lali nganggen sarung khas Minang. Para pragina lanang nganggen baju sane goloh, celana selem goloh, payasan ring duur, miwah sarung khas Minang. Tiosan punika, busana tukang Dzikir utawi iringan tari ketahnyane nganggen busana koko. [1]
Sane ngawinang busana pragina istri miwah pragina lanang mastiosan inggih punika pragina istri patut nganggen jilbab. Puniki mangda nenten ngilangang citra miwah makna Tarian Indang pinaka media dkwah sajeroning nyobiahang ajahan agama Islam. [1]
Warna busana sane kanggen sajeroning sasolahan puniki bebas, dados mawarna barak, emas, utawi selem. Raris, papayasan prarainyane, inggian pragina istri utawi lanang nenten wenten uger-uger. [1]
Sane pinih mautama saking payasan inucap inggih punika mangda pragina manados sayan becik kacingak. Tiosan punika, payasan sapatutnyane nenten tebel utawi menor, sakewanten tetp prasida nyihnayang keceriaan miwah keanggunan para pragina. [1]
Properti
uahProperti sane kanggen sajeroning sasolahan puniki wantah alat musik marupa indah kemanten. Sakewanten mangkin, alat musik sane kabaos pinaka ripal sampun arang kanggen. Manut aab jagate, sasolahan puniki ngawentenang modifikasi rumasuk kawigunan alat musik. Risampune nenten malih nganggen indang pinaka pangasil suara, mangkin Tarian Dinding Badinding puniki nganggen bataran panggung pinaka ngentosin sumber suara. Duaning bataran panggung mirip sareng indang, bataran panggung taler prasida ngasilang suara yening kapukul olih pragina. Tiosan punika, yening dumun wenten makudang-kudang pragina sane nganggen rebana pinaka aksesoris penunjang, mangkin rebana punika taler sampun arang kanggen. Binannyane, rebana inucap kagentosin antuk keplokan tangan pragina ka anggan pragina utawi ka bataran. [6]
Tiosan pinaka meriahang pertunjukkan, dumun rebana miwah indang ketah kanggen pinaka pengatur tempo sasolahan. Sakewanten mangkin soroh alat musik sane kaggen sayan akeh, wit saking marwas, perkusi, tamborin, kantos biola. [1]
Alunan pangiring sasolahan, wenten taler sane nganggen alat musik modern minakadi piano miwah akordion. Tembang miwah syair sasolahan jagi katembangang ritatkala sasolahan kakawitin. [1]
Lirik gending
uahLirik gending sane kaanggen ring sasolahan niki;[7]
| “ | Balari lari bukannyo kijang
Pandan tajamua di muaro Kami manari basamo samo Paubek hati dunsanak sadonyo Ikolah indang oi Sungai Garinggiang Kami tarikan basamo samo Sambuiklah salam oi sambah mairiang Pado dunsanak alek nan tibo Bamulo indang ka ditarikan Salam bajawek (ondeh) ganti baganti Lagu lah indang kami nyanyikan Supayo sanak (ondeh) basuko hati Dindin badindin oi dindin badindin Dindin badindin oi dindin badindin |
” |
Pustaka
uah- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Ananda (2022-09-28). "Mengenal Tari Indang, Sejarah, Fungsi, Pola Lantai, dan Propertinya". Gramedia Literasi (ring Indonesia). Kaaksés 2023-03-07.
- ↑ "Mengenal Sejarah dan Pola Lantai Tari Indang". kumparan (ring Indonesia). Kaaksés 2023-03-07.
- ↑ "Sejarah dan Gerakan Tari Indang dari Sumatera Barat - Nasional Katadata.co.id". katadata.co.id (ring Indonesia). 2021-11-18. Kaaksés 2023-03-07.
- ↑ Liputan6.com (2022-11-28). "Pola Lantai Tari Indang Adalah Horizontal, Pahami Pengertian dan Fungsinya". liputan6.com (ring Indonesia). Kaaksés 2023-03-07.
- ↑ Basmatulhana, Hanindita. "Tari Indang Asalnya dari Mana? Ini Jawabannya". detikedu (ring Indonesia). Kaaksés 2023-03-07.
- ↑ Media, Kompas Cyber (2021-08-16). "Mengenal Tari Indang, Sumatera Barat". KOMPAS.com (ring Indonesia). Kaaksés 2023-03-07.
- ↑ "Chord Kunci Gitar dan Lirik Lagu Minang Badindin, Tiar Ramon feat Elly Kasim, Dindin Badindin Oi". Tribun Padang (ring Indonesia). Kaaksés 2021-06-30.