Tari Cokek

Tari Cokek inggih punika silih tunggil sasolahan tradisional Betawi sane embas duk abad ka-19. Tari Cokek inggih punika sasolahan sane wit saking asil akulturasi budaya Cina, Banten, miwah Betawi.

Lelintihan

Tari Cokek inggih punika kesenian sane embas ring wawidangan krama Betawi-Tionghoa ring sisin ibukota Jakarta, inggih punika ring Teuk Naga, Tangerang. Ring buku Peranakan Tionghoa Indonesia: Sebuah Perjalanan Budaya kabaosang Thas Tangerang miwah Tari Cokek inggih punika seni tari sane wit saking Betawi sane manados tarian kadagingin antuk etnik Tionghoa. Manut Clarissa Amelinda ring publikasinyane sane mamurda Eksistensi Tari Cokek Sebagai Hasil Akulturasi Budaya Betawi, cokek inggih punika silih tunggil panglila cita sane pinih ecik, duaning panglibanyane gelis miwah akeh sane nyenengin krama Betawi kota rauh krama Betawi pasisi. Daweg punika kalaksanayang pesta hiburan minakadi perayaan perjamuan hajatan perkawinan utawi pesta sunatan, para pragina Cokek masolah sinambi matembang sane kairing musik Gambang Kromong. Papaduan gerak, lagu, miwah musik tampil adung pisan. Wastan Cokek wit saking basa Hokkian chiou-khek sane maartos nembangang lagu. Ring basa Mandarin kawacen Chang ge.

Panglimbak Tari Cokek ring Era Modern

Manut aab jagate miwah sifat kebudayaan sane dinamis, ngawinang Tari Cokek sampun ngalamin akeh pauahan duaning pengaruh budaya miwah globalisasi. Tari Cokek sane nglimbak ring Betawi pinaka sasolahan asil akulturasi budaya Cina, Banten, miwah Betawi. Duaning genah sane nampek antuk ibu kota Jakarta ngawinang panglimbak Tari Cokek puniki gelis nglimbak ring Jakarta. Tari Cokek sane wenten masa mangkin wentuknyane sampun matiosan ring Tari Cokek sane dumun wenten ring tengahing krama Betawi, becik kapanggih saking gerakan, pangangge, payasan, miwah musik pendukung Tarian Cokek punika.