Tari Baris Jangkang
Baris Jangkang inggih punika silih tunggil igelan tradisional khas saking Dusun Pelilit, Kecamatan Nusa Penida, Kabupaten Klungkung. Igelan puniki kanggén ngiringang upacara agama, punika taler ketah kanggén rikala naur sesangi. Tari Baris Jangkang punika kabaktayang olih 8 (kutus) kantos 12 (roras) diri pragina sané nganggén sarana tumbak sané lanying. Piranti tiosan inggih punika para pragina nganggén celana putih, kain putih, miwah saput kuning utawi saput khas Nusa Penida minakadi cepuk. Para pragina ngigelang tarian puniki antuk nyangkang (setengah jongkok), saha kairing antuk gamelan. [1]
Wiwilan tarian punika wit saking kadigjayan sané kapolihang olih Desa Pelilit nglawan Desa Tanglad sajeroning ngrebutin wewidangan. Tari Baris Jangkang puniki taler maderbé piteket minakadi nilai kepahlawanan. Punika sangkaning ring Tari Baris Jangkang nyinahang kawagedan para prajurit nganggén sanjata utawi piranti payuddan. Tari Baris Jangkang sampun molihang pramana patra saking Kemendikbud pinaka Warisan Budaya Tak Benda Indonesia (WBTBI). Pementasan Tari Baris Jangkang puniki nénten dados ngawag utawi sakita-kita, duaning igelan punika kanggén rikala wénten upacara agama kémanten, minakadi kapéntasang ring Festival Nusa Penida rikala ngaturang pakelem utawi upacara agama sané tiosan.[2]
Pustaka
uah- ↑ ditwdb (2019-10-31). "Baris Jangkang, Sejenis tari baris upacara yang terdapat di dusun Pelilit". Direktorat Warisan dan Diplomasi Budaya (ring Indonesia). Kaaksés 2024-08-18.
- ↑ yvs. "Mendikbud Tetapkan Tari Baris Jangkang Nusa Penida Sebagai Warisan Budaya Tak benda Indonesia". www.klungkungkab.go.id (ring Inggris). Kaaksés 2024-08-18.