Tari Baksa Kembang

Baksa Kembang silih tunggil sesolahan klasik Banjar sané maasal saking Kalimantan Kelod, Indonésia, sané mawiguna dados sesolahan panyambut tamiu. Sesolahan puniki ketah kasolahan olih pragina istri manados pragina tunggal utawi langkung antuk syarat akéh pragina nénten dados genep.

Beksa kembang

Beksa kembang
Genre	Tari tradisional
Instrumen	Gamelan, Gong
Penemu	Banjar
Saking	Indonésia

Baksa Kembang ring pamahbah nyané pinaka sesolahan sané wantah kasolahan ring genah utama krajaan antuk nyambutin tamiu kahormatan utawi semeton krajaan. Daweg sareng pakembangan ipun, sesolahan puniki ngawitin kasub ring krama irika ri kala Kasultanan Banjar ngabuka aksés antuk panjak ipun nyingakin balih-balihan punika, sapunika Baksa kembang manados kaloktah ring panjak miwah manados silih tunggil budaya daérah ring Kalimantan Kelod.

Sesolahan

Baksa Kembang kajangkepin umpal sané kaanggén antuk masolah mangda ri kala masolah kacingak abra tur manawan. Silih tunggil ceciren khas saking kuaca tari Baksa Kembang punika mahkota ring duur nyané sané kasengguh gajah gemuling, punika mahkota kahias kalih sekar bogam alit tur ulatan busung sané ketah kasengguh halilipan.

Gerakan ring sesolahan puniki kagambarang sekadi yowana istri ayu sané mappaliayanan ring taman sekar. Ipun ngalap makudang sekar sané salanturné kasusun dados sekar bogam miwah ipun maktayang sambil masolah abra tur ngulangunin. Ring balih-balihan punika, para pragina makta apacek sekar bogam ring tangan ipun, punika rangkaian sekar mawa, menuh, cempaka miwah sandat. Sekar bogan puniki pacang kasuwécayang majenh tamiu sané rauh sesampun sesolahan puput.

Gerak Baksa Kembang