Taman Nasional miwah Cagar Palemahan Danu Clark
Taman Nasional miwah Cagar Palemahan Danu Clark inggih punika taman nasional Amérika ring kelod kawan Alaska, sawatara 100 mil (160 km) kelod kawan Anchorage. Taman puniki kapertama kanikayang manados monumén nasional ring warsa 1978, salanturné katetapang manados taman nasional miwah cagar palemahan ring warsa 1980 olih Awig-Awig Konservasi Tanah Kabuatan Nasional Alaska. Taman puniki madué akéh tukad miwah danu sané kabuat antuk paulaman salmon Celuk Bristol, rumasuk ring Danu Clark. Makudang soroh parilaksana rékréasi prasida kamargiang ring taman miwah kalestariang salantang warsa. Taman puniki nyaibin wana sabeh ring selantang garis pasisi Cook Inlet, tundra alpine, glétser, danu glasial, tukad ageng sané madaging salmon, miwah kalih gunung marapi, Gunung Redoubt miwah Gunung Iliamna. Gunung Redoubt aktip, meletus ring warsa 1989 miwah 2009. Makudang soroh ékosistem ring taman sapunika maartos pinaka ketah samian beburon utama Alaska ring sajeroning darat, segara, miwah udara prasida kacingak ring taman. Salmon, kusus nyané salmon sockeye, ngamargiang lakon utama ring ékosistem miwah ékonomi lokal. Populasi ageng beruang soklat sané seneng antuk ngamahin salmon sané mataluh ring Tukad Kijik miwah ring Tukad Silver Salmon. Nyingakin beruang punika parilaksana umum ring taman.[3]
| Taman Nasional miwah Cagar Palemahan Danu Clark | |
|---|---|
IUCN Kategori V (Lanskap Darat/Pasih Saiban) | |
 Danu Clark miwah Pagunungan Chigmit | |
  Genah ring Alaska  Genah ring Amérika Kalér | |
| Genah | Borough Danu miwah Samenanjung, Samenanjung Kenai, Borough Wawengkon Sénsus Béthel, miwah Borough Matanuska-Susitna, Alaska, AS |
| Nampek kota | Anchorage |
| Koordinat | 60°58′N 153°25′W / 60.967°N 153.417°W |
| Jimbar | 4,030,015 ékar (16,308.89 km2)[1] |
| Kaadegang | 2 Désémber 1980 |
| Karauhin | 14,479 (warsa 2018)[2] |
| Sané Ngalola | National Park Service |
| Situs web | Taman Nasional & Cagar Palemahan Danu Clark |
Pustaka
uah- ↑ Pikobet wiraga: Operator < nénten kaduga.
- ↑ "NPS Annual Recreation Visits Report". National Park Service. Kaaksés 2019-03-08.
- ↑ "Silver Salmon Creek". Lake Clark National Park and Preserve. National Park Service. Kaaksés 7 Désémber 2013.
Bibliographi
uah- Gaul, Karen (2007) Nanutset ch'u Q'udi Gu (Before Our Time and Now) National Park Service, ISBN 978-0-9796432-3-1
Pranala jaba
uah| Wikimédia Commons madué média indik Lake Clark National Park. |
- Official website
of the National Park Service - Lake Clark National Park and Preserve (archive) - National Park Service Alaska Regional Office
