Taman Nasional Wakatobi
Taman Nasional Wakatobi inggih punika silih tunggil taman nasional ring Indonésia, sané magenah ring kabupatén Wakatobi, Sulawési Tenggara. Taman puniki katetapang ring warsa 2002, sané jimbarnyané 1.39 yuta ha. Irika wénten makudang-kudang soroh hayati pasih tur dalemnyané ngantos 1.044 méter ring sor permukaan yéh pasih.[1]
| Taman Nasional Wakatobi | |
|---|---|
IUCN Kategori II (Taman Nasional) | |
 Pasisi ring taman nasional  | |
  TN Wakatobi | |
| Genah | Sulawesi, Indonésia |
| Nampek kota | Bau-Bau |
| Koordinat | 5°41′S 124°0′E / 5.683°S 124.000°E |
| Jimbar | 13.900 km² |
| Kaadegang | 2002 |
| Sané Ngalola | Kamenterian Palemahan Urip miwah Kawanaan |
Terumbu Karang
uahRing taman nasional Wakatobi puniki wénten pemandangan ring sor pasih sané ngulangunin pisan, krana wénten akéh terumbu karang. Wénten sawatara 112 soroh saking 13 famili sané magenah ring 25 titik sané panjangnyané 600 kilométer garis pasih. Soroh karang punika makadi:
- Acropora formosa
- Hyacinthus
- Psammocora profundasafla
- Pavona cactus
- Leptoseris yabei
- Fungia molucensis
- Lobophyllia robusta
- Merulina ampliata
- Platygyra versifora
- Euphyllia glabrescens
- Tubastraea frondes
- Stylophora pistillata
- Sarcophyton throchelliophorum
- Sinularia spp.
Ulam
uahTaman nasional puniki taler madué makudang-kudang soroh ulam. Wénten sawatara 93 soroh ulam sané kaadol tur kadadosang ulam hias, makadi:
- Argus bintik (Cephalopholus argus)
- Takhasang (Naso unicornis)
- Pogo-pogo (Balistoides viridescens)
- Ikan Napoleon (Cheilinus undulatus)
- Ikan merah (Lutjanus biguttatus)
- Baronang (Siganus guttatus)
- Amphiprion melanopus
- Chaetodon specullum
- Chelmon rostratus
- Heniochus acuminatus
- Lutjanus monostigma
- Caesio caerularea
Buron sané Lianan
uahRing taman nasional Wakatobi puniki wénten makudang-kudang sorong kedis pasih, makadi:
- Angsa-batu coklat (Sula leucogaster plotus)
- Cerek melayu (Charadrius peronii)
- Raja udang Erasia (Alcedo atthis)
Wénten taler tigang soroh penyu sané wénten irika inggih punika penyu sisik (Eretmochelys imbricata), penyu tempayan (Caretta caretta), dan penyu lekang (Lepidochelys olivacea).
Kawigunan
uahTaman nasional Wakatobi puniki kaanggén genah malancaran, krana pemandangan sané wénten ngulangunin pisan. Para wisatawanné mrasidayang nyelam, snorkeling , miwah ngelangi irika, mangda prasida nyingakin pupulan terumbu karang miwah buron-buron sané wénten. Irika taler wénten kabudayaan saking krama sané meneng irika sané prasida kacingakin olih para wisatawanné.
Pustaka
uah- ↑ Sulisyati, Rohmani; Prihatinningsih, Puji; Mulyadi, Mulyadi (2019-02-15). "REVISI ZONASI TAMAN NASIONAL KARIMUNJAWA SEBAGAI UPAYA KOMPROMI PENGELOLAAN SUMBER DAYA ALAM". Seminar Nasional Geomatika. 3: 713. doi:10.24895/sng.2018.3-0.1030. ISSN 2614-7211.