Taman Nasional Los Alércés

Taman Nasional Los Alércés (Spanyol: Parque Nacional Los Alerces) magenah ring Andés ring Propinsi Chubut ring Patagonia wawengkon Argéntina. Wates kawan tepat ipun dados pawatesan sareng Chili. Glétser mabacakan sampun ngadegang lanskap ring wawengkon punika ngaripta cingakan ngulangunin minakadi morain, genha glasial miwag danu toya ning. Végétasi kautama olih wana maiklim bet, sané ngicain margi nuju tegalan padang alpine sané langkung tegeh ring soe puncak Andés sané mabatu. Cingakan sané sanget khas miwah simbolis punika wana alércé; taru alércé sané kauripan ipun kaancem sacara global punika spésiés taru antuk idup pinih lantang kaping kalih ring jagat (>3,600 warsa). Wana alécré ring taman magenah ring kondisi konservasi sané becik. Paindikan puniki sanget kabuat antuk pasaiban makudang pahan ungkur saking Wana Patagonia sané makesinambungan ring paindikan perawan miwah pinaka habitat antuk makudang spésiés entikan miwah beburon sané éndemik miwah kaancem.[1]

Taman Nasional Los Alércés
Parque Nacional Los Alerces
IUCN Kategori II (Taman Nasional)
Danu Futalaufquen, silih tunggil saking akéh danu ring Taman Nasional Los Alércés.
Logo taman nasional
Map showing the location of Taman Nasional Los Alércés
Map showing the location of Taman Nasional Los Alércés
GenahPropinsi Chubut, Argéntina
Jimbar2,599 km2 (1,003 sq mi)
Kaadegang1937
Sané NgalolaAdministración de Parques Nacionales
SorohPalemahan
Kritériavii, x
Kaadegang2017 (sési ka-41)
Pustaka no.1526
Negara Argentina
WawengkonAmérika Latin
Taman Nasional Los Alércés ring Argéntina.

Pustaka uah

  1. Akedik kauahin (wikified) saking "Los Alerces National Park", UNESCO, https://whc.unesco.org/en/list/1526, kaaksés 5 Pébruari 2018. Lisénsi No. CC-BY-SA IGO 3.0