Taman Nasional Bromo Tengger Seméru

Taman Nasional Bromo Tengger Semeru inggih punika taman nasional ring Jawa Timur, Indonésia, sané magenah ring wewengkon Kabupatén Pasuruan, Kabupatén Malang, Kabupatén Lumajang miwah Kabupatén Probolinggo. Taman puniki saking kauh ngantos kangin lantangnyané 20-30 kilométer tur saking kaja ngantos kelod sawatara 40 kilométer, lantang punika sampun katetapang saking warsa 1982 tur jimbarnyané sawatara 50.276,3 ha. Ring wewengkon puniki wénten kaldéra lautan pasir sané jimbarnyané kirang langkung 6290 ha. Wates kaldéra pasir punika marupa dinding terjal sané tegehnyané 200-700 méter.

Taman Nasional Bromo Tengger Semeru
IUCN Kategori II (Taman Nasional)
Komplek pegunungan ring Kaldera Tengger ri tatkala surya terbit.
TN Bromo Tengger Semeru Genah ring Nusa Jawa
Genah	Jawa Timur, Indonésia
Nampek kota	Lumajang Malang
Koordinat	8°1′S 112°55′E
Jimbar	50.276,3 Ha
Kaadegang	1982

Taman Nasional Bromo Tengger Semeru

Lelintihan

Sadurung katetapang dados taman nasional, wewengkon Tengger punika dados kawasan alas sané mawiguna dados cagar alam miwah hutan wisata. Kawasan puniki kawigunannyané dados hutan lindung miwah hutan produksi. Manut saking kawigunan punika, Kongrés Taman Nasional Sedunia manadosang kawasan Bromo Tengger Seméru dados taman nasiona ri tatkala paruman sané kalaksanayang ring Dénpasar, Bali, ring tanggal 14 Oktobwe 1982, manut saking pertimbangan alam miwah lingkungan sané perlu kalindungin miwah makudang-kudang soroh poténsi tradisional kuno sané patut kalimbakang. Ring tanggal 12 Novémber 1992, pamerintah Indonésia ngaresmiang kawasan Bromo Tengger Seméru dados taman nasional.

Data Pidarta

Data Taman Nasional Bromo Tengger Seméru:

• Manut saking: Menteri Pertanian, warsa 1982
• Katunjuk: Menteri Kehutanan, SK No. 278/Kpts-VI/97 sané jimbarnyané 50.276,2 héktare
• Katetapang: -
• Genah: Kabupatén Pasuruan, Kabupatén Probolinggo, Kabupatén Lumajang, miwah KabupatÉn Malang, Propinsi Jawa Timur
• Temperatur udara: 3°-20 °C
• Curah ujan rata-rata: 6.600 mm/warsa
• Tegeh genah punika: 750-3.676 Mdpl
• Genah geografis: 7°51’ - 8°11’ LS, 112°47’ - 113°10’ BT

Kawéntenan Entik-entikan miwah Buron

Taman Nasional Bromo Tengger Seméru madué tipe ékosistem sub-montana, montana miwah sub-alphin sané wénten punya-punya sané ageng tur mayusa ratusan warsa minakadi cemara gunung, jamuju, edelweis, makudang-kudang soroh anggrék tur rumput langka. Ring dinding sané ngelilingin TN Bromo Tengger Seméru, wénten akéh rerumputan, centigi, akasia, cemara, miwah sané lianan.

Taman Nasional Bromo Tengger Semeru memiliki tipe ekosistem sub-montana, montana dan sub-alphin dengan pohon-pohon yang besar dan berusia ratusan warsa antara lain cemara gunung, jamuju, edelweis, berbagai jenis anggrek dan rumput langka. Pada dinding yang mengelilingi TN Bromo Tengger Semeru terdapat banyak rerumputan, centigi, akasia, cemara, dll. Buron sané wénten ring taman nasional punika minakadi lubak (Paradoxurus hermaphroditus), menjangan (Rusa timorensis), monyet kra (Macaca fascicularis), kidang (Muntiacus muntjak), ayam hutan merah (Gallus gallus), macan tutul (Panthera pardus melas), ajag (Cuon alpinus javanicus); miwah makudang-kudang soroh kedis sakadi alap-alap burung (Accipiter virgatus), rangkong (Buceros rhinoceros silvestris), elang-ular bido (Spilornis cheela bido), srigunting hitam (Dicrurus macrocercus), sikep bondol (Haliastur indus), miwah belibis sané wau idup ring Ranu Pani, Ranu Regulo, miwah Ranu Kumbolo.

Gunung

• Gunung Seméru (3.676 m)
• Gunung Bromo (2.329 m)
• Gunung Batok (2.470 m)
• Gunung Kursi (2.581 m)
• Gunung Watangan (2.601 m)
• Gunung Widodaren (2.650 m)
• Gunung B-29 (2.900 m)
• Gunung Linggo
• Gunung Penanjakan
• Gunung Pundak Lembu
• Gunung Gandera
• Gunung Ringgit
• Gunung Widangan
• Gunung Sumbersenami
• Gunung Pranten
• Gunung Bajangan

Genah Ngranjing

Taman nasional puniki dados silih tunggil genah wisata sané utama ring Jawa Timur. Kawéntenan penerbangan langsung Malang-Jakarta miwah Malang-Denpasar prasida ngwewehin wisatawan sané rauh. Lianan saking Gunung Bromo sané dados daya tarik pinih utama, Gunung Seméru taler dados gunung pinih tegeh ring Pulo Jawa tur dados genah wisata antuk para pendaki. Ngrereh puncak Seméru nénten dangan sakadi ngrereh puncak Gunung Bromo, tur para pendaki patut ngamolihang ijin saking kantor pengelola taman nasional sané magenah ring Malang. Wisatawan sané seneng hiking ketahnyané nganggén rute saking Malang, mangda prasida nyingakin kalanguan lautan pasir sané langkungan lantangnyané. Genah pinih pertama saking Ngadas sané dados désa pinih untat sané wénten ring kawasan taman nasional tur genah antuk nyangkepang bekel, utamannyané bekel marupa yéh, krana ring genah sasampunnyané nénten wénten sumber yéh.